ရင်ရဲ့ ရိုးရာ

ကျွန်တော်တို့မြို့လေးမှာ ဥာဏ်မမှီတဲ့ ကောင်လေးတစ်ယောက်ရှိတယ်… မွေးကတည်းက ဥာဏ်မမှီတာ မဟုတ်ဘဲ သူ့အသက်၅နှစ် အရွယ်မှာ အဆိပ်ဓာက်ငွေ့ ရှူမိပြီးသူတစ်ယောက်တည်း အသက်ရှင်နေခဲ့တယ်… သူနဲ့တစ်ခန်းတည်း အတူတူ အိပ်နေတဲ့ သူ့အဖေဟာ နောက်ဆုံးကျန်တဲ့အင်အားကို သုံးပြီး သူ့ကို ပြတင်းပေါက် အပြင်ဘက်ကို တွန်းပို့နိုင်လိုက်ပြီး သူကိုယ်တိုင်ကတော့ အခန်းထဲမှာဘဲ လဲကျ သေဆုံးခဲ့ရတယ်… အဲဒီနောက်ပိုင်းမှာ ကောင်လေးဟာ ပျော်သည်ဖြစ်စေ၊ စိတ်ညစ်သည်ဖြစ်စေ အမြဲတမ်း အအနဲ့ ရယ်နေ ပြုံးနေတတ်တယ်… ပြောကြတာကတော့ အဆိပ်ငွေ့ရှူမိပြီးနောက်ပိုင်း ဦးနှောက်ထိသွားရှာတယ်။
ကောင်လေးမှာ လှပတဲ့ အမေနဲ့ ချစ်စရာကောင်းတဲ့ ညီမလေးတစ်ယောက်တော့ရှိတယ်… သူ သူ့အမေကို အမြဲမေးလေ့ရှိတယ်… သူ့ ဖေဖေ ဘယ်ရောက်သွားပြီလဲတဲ့… သူ့မေမေက တော့ သူကို ပြန်ဖြေတယ်… ဖေဖေဆုံးသွားပြီ… သူ ကြယ် အဖြစ်ပြောင်းသွားပြီးတော့ ဟိုးမိုးကောင်းကင်ထက်မှာ သားသားတို့ မေမေတို့ကို အမြဲစောင့်ကြည့်နေတယ်လေ…
ကောင်လေးကတော့ ညတိုင်း ခြံထဲက မြက်ခင်းပြင်မှာ လဲပြီး ကြယ်တွေကို ကြည့်လေ့ရှိတယ်… ကြည့်ရင်းပြုံးရင်း….
ကောင်လေး ၁၁နှစ်သား အချိန်မှာ သူ့ အချစ်ဆုံးမေမေဟာ ကျောက်ကပ်ရောဂါနဲ့ဆုံးသွားရှာတယ

်… မဆုံးခင်မှာ သူ့ညီမလေးကို သေသေချာချာ ဂရုစိုက်ဖို့ မှာသွားခဲ့တယ်… အဲဒီ အချိန်တုန်းက သူ့ညီမလေးက ၆နှစ်ဘဲရှိသေးတယ်။
ကောင်လေးက တော့ အအနဲ့ဘဲ ပြုံးနေတတ်တယ်… ညတိုင်း ကောင်းကင်ထက်က ကြယ်တွေကို ကြည့်လေ့ရှိတယ်… သူပြောတယ်… ကောင်းကင်ထက်မှာ ကြယ် အသစ်တစ်လုံးတိုးလာတယ်… အဲဒါက မေမေဘဲ… ဖေဖေ နဲ့ နီးနီးကပ်ကပ်ရှိနေတယ်…
စိတ်ရင်းကောင်းတဲ့ လူတွေရဲ့ကူညီမှုနဲ့ ကောင်လေးဟာ တွန်းလှည်းဘိန်းမုန့်ဆိုင်လေးတစ်ဆိုင်ဖွင့်နိုင်ခဲ့တယ်… မုန့်ဆိုင်လေးကတော့ ညီမလေးရဲ့ကျောင်းနဲ့သိပ်မဝေးဘူး…
ကောင်လေးဟာ အိမ်မှာ ရှိနေတဲ့ အချိန် ဘယ်တော့မှ ညီမလေးရဲ့ အခန်းထဲကို မ၀င်ဘူး… ဘာလို့လဲဆိုတော့ ညီမလေးက သူ့ကိုမုန်းတယ်… ညီမလေးက ဒီလို လအ အစ်ကို တစ်ယောက်ရှိတာကို မကြိုက်ဘူး… ဒါပေမဲ့ သူကတော့ ညီမလေးရဲ့ အခန်းတံခါးဝလေးကိုမှီပြီး ညီမလေး စာကြည့်နေတာကို ကြည့်နေရတာကို နှစ်သက်တယ်… သူ့ညီမလေး သတိထားမိလိုက်တိုင်း သူကတော့ အပြစ်လုပ်မိတဲ့ ကလေးလေး တစ်ယောက်လို ပုန်းနေရှာတယ်…ပြီးတော့ ပြုံးလိုက်သေးတယ်… ပျော်သလား… ၀မ်းနည်းလားတော့ မသိဘူး…
ကောင်လေးဟာ မနက်တိုင်း စောစောထပြီး ညီမလေး အတွက် မနက်စာလုပ်ပေးပြီးမှ တွန်းလှည်းလေးတွန်းပြီး အလုပ်သွားလေ့ရှိတယ်… ညဘက်ကျတော့… ကြယ်တွေကို ကြည့်နေရတာဟာ သူ့ အကြိုက်ဆုံး အလုပ်ဘဲ။
ကောင်းလေးရဲ့လက်ရာဟာ အရမ်းကောင်းတယ်… ကျောင်းက ဆရာတွေကော… ကျောင်းသားတွေကော သူ့ရဲ့ ဆိုင်မှာ ဘိန်းမုန့်ဝယ်စားလေ့ရှိတယ်… ဒါပေမဲ့ ကောင်းလေးမှာ ကျောင်းတက်နေတဲ့ ညီမလေးချောချောလေးတစ်ယောက်ရှိတာကို ဘယ်သူမှ မသိကြဘူး… ဘာလို့လဲဆိုတော့ ညီမလေးက သူ့ဆီမှာ လအ အစ်ကို တစ်ယောက်ရှိတာကို မသိစေချင်ဘူး… ကောင်လေးကတော့ အအနဲ့ပြုံးနေတတ်တယ်… ပျော်သည်ဖြစ်စေ… စိတ်ညစ်သည်ဖြစ်စေ…
ကောင်လေးက အလုပ် အရမ်းကြိုးစားတယ်… ပြီးတော့ ပိုက်ဆံလဲ အရမ်းချွေတာတယ်… သူဒီလောက်ထိကြိုးစားပြီးပိုက်ဆံရှာနေတာ ဘာအတွက်လဲဆိုတာကို ဘယ်သူမှ မသိကြဘူး… ကောင်လေး အလုပ်လုပ်တဲ့ အချိန်မှာ လက်ကို ခဏခဏ မီးပူလောင်တယ်… ဖိနပ်တစ်ဖက်လဲ အမြဲလိုလိုပျောက်လို့… ညီမလေးက မြင်ရင် “ဒါလေးလုပ်တာတောင် မီပူလောင်တတ်တယ်… ဖိနပ်ကလဲ ပျောက်တတ်သေး… ကိုယ်ကိုယ်တိုင်ကိုဘဲ ဖျောက်လိုက်ပါတော့လား… တကယ် အ တာဘဲ” ကောင်လေးက နားထောင်ပြီးတော့လဲ အအနဲ့ပြုံးနေတတ်တယ်… ပျော်နေလား… ၀မ်းနည်းနေလားတော့ မသိ…
ကောင်လေးဟာ ညတိုင်း မအိပ်ခင် စာအုပ်လေးမှာ နေ့စဉ်မှတ်တမ်း ရေးလေ့ရှိတယ်… ညီမလေးကတော့ စပ်စုပြီး ကြည့်ချင်တယ်… ကောင်လေးကတော့ ဘယ်တော့မှ ပေးမကြည့်ဘူး…ရေးပြီးတာနဲ့ကို သိမ်းထားလိုက်တယ်… ညီမလေးကတော့ ကြိုးစားပြီး ရှာကြည့်သေးတယ်… ရှာမတွေ့တော့တဲ့နောက်ဆုံး ညီမလေးလဲ လက်လျှော့လိုက်တယ်…
ကောင်လေး ၁၇ နှစ်ရှိပြီ… ညီမလေးကတော့ အလယ်တန်းစတက်နေပြီပေါ့… ကောင်းလေးရဲ့ ဆိုင်လေးလဲ ညီမလေးရဲ့ အလယ်တန်းကျောင်းနဲ့ မနီးမဝေးနေရာကို ပြောင်းခဲ့တယ်… မနက်တိုင်း မုန့်ရောင်းလို့ကုန်ရင် ညီမလေးရဲ့ကျောင်းဘက်ကို သွားကြည့်လေ့ရှိတယ်… ကိုယ်ပေါ်မှာတော့ အမြဲတမ်းညစ်ပတ်နေပြီးဟောင်းနွမ်းနေတဲ့ အ၀တ်အစားနဲ့… ခြေထောက်မှာလဲ ဖိနပ်တစ်ဖက်က အမြဲပျောက်လို့… သူအလုပ်လုပ်ရင်တော့ သူ့တွန်းလှည်းဆိုင်လေးဟာ သပ်သပ်ရပ်ရပ်ပါဘဲ… အမြဲတမ်းပြုံးနေတတ်တယ်…
တစ်နေ့မှာ သူ့ဆိုင်ရှေ့ဖြတ်သွားတဲ့ ကျောင်းသူလေး၂ယောက်က သူ့ညီမလေးရဲ့နာမည်ပြောသံကြားလိုက်ရတယ်… “သူအတန်းထဲမှာ မျက်နှာမကောင်းဘူး… ခါးလဲ အရမ်းနာနေတယ်…” ကောင်လေးကပြောသံ ကြားပြီး ခဏကြောင်သွားတယ်… နောက် ရုတ်တရက် သူ့ညီမလေး နာမည်ကို အကျယ်ကြီးခေါ်ပြီး ကျောင်းဘက်ကို ပြေးသွားတယ်… သူက ဒီတိုင်းဘဲ ညီမလေးရဲ့နာမည်ကို အကျယ်ကြီးအော်ခေါ်ပြီး ကျောင်းက ကျောင်းစောင့်တွေ ဆရာမတားတာတွေကို ကျော်ဖြတ်ပြီး ညီမလေးရဲ့ စာသင်ခန်းဆီကို ရောက်သွားတယ်… ညီမလေးက စာပွဲပေါ်မှာ မှောက်နေပြီး မျက်နှာက ဖြူဖျော့ပြီး ချွေးတွေပြန်လို့… ကောင်လေးဒီတချိန်မှာတော့ မပြုံးနိုင်တော့ဘူး… မျက်နှာမှာ ပူပန်မှုတွေနဲ့ ညီမလေးကို ကျောပိုးပြီးတော့ ဆေးရုံကို ပြေးတော့တာဘဲ…
လမ်းမှာ ကျောင်းက ဆရာမတွေနဲ့တွေ့တော့ သူ့ကိုမေးတယ်… “နင် ဒါဘာလုပ်တာလဲ… သူ့ကို ချလိုက်…” ကောင်လေးက ဒေါသနဲ့ မျက်နှာက နီရဲနေပြီးပြောလိုက်တယ်… “သူ က ကျွန်တော့ညီမ… ကျွန်တော်က သူ့ အစ်ကို” ကောင်လေးဟာ တစ်လမ်းလုံး ဒီစကားကိုဘဲ ခေါက်တုံ့ခေါက်ပြန်ရေရွတ်ပြီး ကျောင်းနားက ဆေးရုံကို ရောက်ခဲ့တယ်… ကျောင်းက ဆရာတွေကော ကျောင်းသားတွေကော အံ့သြကုန်တယ်… ဘာလို့လဲဆိုတော့ သူ့မှာ အစ်ကို တစ်ယောက်ရှိတာကို ဘယ်သူမှ မသိကြဘူး…
ကောင်လေးက အခန်းအပြင်ဘက်မှာ ညီမလေးကို ကြည့်နေတယ်… သူနိုးလာပြီ… ကောင်လေးက ဆေးရုံမှာ ၃နေ့၃ည ကောင်းကောင်းမနားရဘူး… ဆေးရုံက သူနာပြုက ပြောလိုက်တယ်… “ဘာမှစိတ်မပူနဲ့… ညီမလေး အစ်ကိုက ဆေးစရိတ်တွေ အားလုံး အဆင်သင့်လုပ်ထားပြီ…” ညီမလေး က အားစိုက်ပြီး အခန်း အပြင်ဘက်က ကောင်လေးကို ကြည့်လိုက်ပြီး စိတ်ထဲမှာတော့ သံသယစိတ်တွေနဲ့… အဲအချိန်မှာ ကောင်လေးက နဂိုအတိုင်း ပြန်ဖြစ်သွားပြီ… အအလေးပြုံးနေပြီး အခန်းထဲကို မ၀င်ရဲဘူး…
သူနာပြုက ညီမလေးကို ပြောတယ် … သူ အမြဲတမ်း ကောင်လေးဆိုင်မှာ မုန့်ဝယ်နေကျ… ကောင်လေး အလုပ် အရမ်းကြိုးစားမှန်း သိတယ်… ပိုက်ဆံ မဖြုန်းတတ်ဘူးဆိုတာလဲ သိတယ်… အစပိုင်းတုန်းကတော့ ဘာလို့ဒီလောက်ထိကြိုးစားပြီး ပိုက်ဆံရှာနေရတာလဲ ဆိုတာကို နားမလည်နိုင်ဘူး… ဒီနေ့မှဘဲ သဘောပေါက်တော့တယ်… ဘာလို့လဲဆိုတော့ ကောင်လေး ညီမလေးကို ပိုးပြီး သူ့ကိုတွေ့တဲ့ အချိန်မှာ သူအော်ပြီးပြောနေတာက “ မေမေ က ဒီလိုဘဲ သေသွားတာ… တောင်းပန်ပါတယ်… ညီမလေးကိုကယ်ပါ… ကျွန်တော့ညီမလေး မသေပါရစေနဲ့…” အကြောင်းရင်းကတော့ ကောင်လေးမေမေ မသေခင်မှာ သူ့ကို မှာခဲ့တယ်… သူ့ညီမလေးမှာလဲ ကျောက်ကပ်ရောဂါရှိတယ်… သူ့ကို ကောင်းကောင်းဂရုစိုက်ဖို့ မှာခဲ့တယ်…
ဆရာဝန်က ပြောတယ်… “ညီမလေး ကျောက်ကပ်က အခြေအနေ တော်တော်လေးဆိုးနေတယ်… ကျောက်ကပ်လဲဖို့လိုတယ်…”
ဆေးကုဖို့ကုန်ကျစရိတ်ကိုတော့ ကောင်လေးကပေးထားပြီးပြီ… ဒါပေမဲ့ သင့်တော်တဲ့ ကျောက်ကပ် ကိုတော့ရှာမတွေ့သေးဘူး…
ဆရာဝန်က ညီမလေးကို ရှင်းပြတယ်… ကောင်လေးက ညီမလေး ကျောက်ကပ်လဲဖို့လိုတယ်လို့ပြောလိုက်ချိန်မှာ ကောင်လေးက အော်ပြီးပြောတယ်… “ကျွန်တော့ဟာ သုံးပါ… ကျွန်တော်က သူ့အစ်ကိုပါ…” ဒါပေမဲ့ စစ်ဆေးပြီးတဲ့ နောက်ပိုင်းမှာ ကောင်လေးရဲ့ကျောက်ကပ်က လဲ ညီမလေးနဲ့ မသင့်တော်ဘူးဖြစ်နေတာကို ကောင်လေး သိလိုက်ရတော့ စိတ်ဓာတ်ကျပြီး “ကျွန်တော်က သူ့အစ်ကိုပါ…” ဆိုတာကိုဘဲ ရေရွတ်နေတယ်… ဆရာဝန်ကတော့သူဆိုလိုတာကိုသဘောပေါက်လိုက်တယ်… “ကျွန်တော်က သူ့အစ်ကိုပါ… ကျွန်တော့ကျောက်ကပ် ဘာဖြစ်လို့ ညီမလေးကိုပေးလို့မရတာလဲဗျာ…”
ကောင်လေးကတော့ အခန်း အပြင်ကနေ ညီမလေးကို ကြည့်နေပြီး အအ လေးပြုံးနေတယ်… အဲဒီ အချိန်မှာ ညီမလေးရဲ့မျက်နှာကတော့ မျက်ရည်တွေနဲ့ရွှဲလို့… ဟို တံခါး အပြင်ဘက်က သူ့ကို တောက်လျှောက် အရှက်ရစေတယ်လို့ ထင်ထားခဲ့တဲ့ အစ်ကို့ကို ကြည့်ရင်း သူမရဲ့ ချိနဲ့နေတဲ့ အသံနဲ့ပြောလိုက်တယ် “နင် အပြင်မှာဘာလုပ်နေတာလဲ… ဘာလို့မ၀င်လာတာလဲ”… ကောင်လေး ကြောင်သွားတယ်… တုန်တုန်နဲ့ပြန်မေးလိုက်တယ် “ ငါဝင်လာလို့ရသလား…” ညီမလေးက မျက်ရည်ဝဲ၀ဲနဲ့ ခေါင်းငြိမ့်လိုက်တယ်…
ကောင်လေးက လက်ကို နောက်ပစ်ပြီး ညီမလေးရဲ့ကုတင်နားကိုရောက်လာတယ်… ညီမလေးက ဘာဖြစ်လို့လက်ကို နောက်ပစ်ထားရတာလဲလို့မေးတယ်… ပြီးတော့ လက်ကို အတင်းပြခိုင်းတယ်…
ကောင်လေးက လက်ကို ဆန့်ထုတ်ပြလိုက်တယ်… လက်မှာက ပတ်တီးတွေနဲ့… ဖိနပ်တစ်ဖက်ကလဲ ပါမလာဘူး… အဲဒါက ညီမလေးကို ဆေးရုံလိုက်ပို့တဲ့ အချိန်မှာ လမ်းမှာ ခြစ်မိထားတာ… ပြေးရင်းနဲ့လဲ ဖိနပ်တစ်ဖက် ကျွတ်ကျန်ခဲ့တယ်… ညီမလေးကတော့ ခါတိုင်းလိုဘဲ… “ဘာလို့ ဒီလောက် အ ရတာလဲ… လက်မှာလဲ ဒဏ်ရာတွေနဲ့… ဖိနပ်ကလဲ ပျောက်ပြန်ပြီ…” ဒါပေမဲ့ ဒီတစ်ခေါက်ပြောတဲ့ အချိန်မှာတော့ မျက်ဝန်းမှာ ကြင်နာမှုအပြည့်နဲ့ ရင်နာမှုအပြည့်တွေနဲ့ပါ…
ဒါကတော့ ကောင်လေး ပထမဆုံး အကြိမ် ညီမလေးရဲ့ခွင့်ပြုချက်နဲ့ ညီမလေးရဲ့အခန်းထဲကို ၀င်ခဲ့တာပါ…
အချိန်က တနေ့ပြီး တနေ့ ကုန်ဆုံးသွားတယ်… ညီမလေးရဲ့ရောဂါ အခြေအနေကလဲ တနေ့ထက်တနေ့ ပိုပိုဆိုးလားတယ်… ခဏခဏ သတိမေ့မျှောတဲ့ အနေအထားမှာရောက်နေတယ်…
ဆေးရုံက ဆရာဝန်တွေရဲ့ကြိုးပမ်းမှုနဲ့ နောက်ဆုံးမှာတော့ သင့်တော်တဲ့ကျောက်ကပ်ကို ရှာတွေ့ခဲ့တယ်… အစားထိုး ခွဲစိတ်မှုက လဲ အရမ်းကို အောင်မြင်ခဲ့တယ်… ညီမလေးကို သေမင်းရဲ့လက်ထဲ ကနေပြန်ဆွဲထုတ်နိုင်ခဲ့တယ်… ဒါပေမဲ့… သူပြန်နိုးလာတဲ့ အချိန်မှာ ရင်းနှီးတဲ့ အအ လေးပြုံးတတ်တဲ့ သူ့ အစ်ကို ရဲ့ အပြုံးကို မတွေ့ရတော့ဘူး… ဆရာဝန်က သူ့ကိုပြောပြတယ်… သူ့အစ်ကို ဒီဆေးစရိတ်တွေကို ရှာဖို့ အတွက် ဟိုးအဝေးကြီး တစ်နေရာမှာ အလုပ်သွားလုပ်နေတယ်… ညီမလေးလုံးဝနေပြန်ကောင်းတဲ့ အချိန်မှာ သူ့ကိုလာခေါ်မယ်… သူ့ကို စိတ်ချလက်ချ အနားယူဖို့မှာခဲ့တယ်…
ညီမလေးဆီကို ၂ရက်ခြား ၃ရက်ခြားတစ်ခါ စာလုံး မညီမညာရေးထားတဲ့ စာတစ်စောင် အမြဲရောက်ရောက်လာတယ်… ဒါတွေကတော့ သူ့ အစ်ကိုဆီကနေလာတဲ့စာတွေပါဘဲ… စာထဲမှာ ရေးထားတာတွေက အရမ်းကို ရိုးရှင်းလွန်းတယ်… ပြီးတော့ အက်ကြောင်းထပ်နေတယ် … “ငါနေကောင်းတယ် … ကျန်းမာရေးဂရုစိုက်နော်”
ဆေးရုံဆင်းတဲ့နေ့မှာ ကောင်လေးကဆေးရုံမှာ ညီမလေးကိုလာမကြိုဘူး… ညီမလေးက ဆရာဝန်ဆီကနေ သူ့အစ်ကိုပေးလိုက်တဲ့ ၀က်ဝံအမွေးပွရုပ်လေးတစ်ရုပ်ကို ရလိုက်တယ်… အမွေးပွရုပ်ရဲ့ခြေထောက်နားမှာ သွေးစလေးတွေပေလို့…
ဆရာဝန်က ညီမလေးကို ရှင်းပြတယ်… ကောင်လေးပေးတဲ့ ပိုက်ဆံဟာ ကျောက်ကပ်လဲဖို့ အတွက်ဘဲလောက်တယ်… တခြားဆေးပစ္စည်းတွေဝယ်ဖို့အတွက် ပိုက်ဆံမလောက်ဘူး… ဒီလို ရက်ရှည်ကြာတဲ့ဆေးကုသမှုစရိတ်ရဖို့ အတွက် ကောင်လေးက မနက်ပိုင်းမှာ မုန့်ရောင်းတယ်… ညနေပိုင်းမှာ တခြားရရာ အလုပ်ကိုလုပ်တယ်… ပိုက်ဆံရတဲ့ ဘယ်လို အလုပ်မျိုးမဆိုသွားလုပ်ရှာတယ်…
ကောင်လေးဆေးရုံမှာ ညီမလေးကို လာကြည့်တဲ့အချိန်မှာ ဆရာဝန်က သင့်တော်တဲ့ကျောက်ကပ်ရှာတွေ့တဲ့အကြောင်းပြောပြတော့ ကောင်လေးက အအ လေးပြုံပြီး ဆရာဝန်ကို ရိုရိုသေသေ ကန်တော့လိုက်သေးတယ်… ပြီးတော့ ဆရာဝန်ကိုပြောလိုက်တယ် “ကျွန်တော်… ညီမလေး… လက်ဆောင်ဝယ်ပေးမယ်… သူ… နိုးလာရင်… သူ့ကိုပေးမယ်…”
ကောင်လေး ပင်ပန်းနေတဲ့ သူ့ ခန္ဓာကိုယ်ကို သယ်ပြီး အရုပ်ဆိုင်မှာ ဖြူဖွေးနေတဲ့ ၀က်ဝံ အမွေးပွရုပ်လေးတစ်ရုပ်ဝယ်ခဲ့တယ်… သူအရမ်း ပင်ပန်းနေတာလဲ ပါမယ်နဲ့တူတယ်… တစ်ချက် သတိမထားမိလိုက်တဲ့ အချိန် လမ်းမကို ဖြတ်ကူးတုန်း အရှိန်ပြင်းပြင်းမောင်းလာတဲ့ ကားတစ်စီးတိုက်ခံလိုက်ရပြီးလွင့်ထွက်သွားတယ်… ဆေးရုံကို ရောက်လာတော့ သတိမေ့မျှောနေပြီ…
လက်မှာတော့ အမွေးပွရုပ်ထည့်ထားတဲ့အိတ်ကို ကျစ်ကျစ်ကိုင်ထားဆဲ… လက်မှာထွက်နေတဲ့သွေးတွေဟာ တစက်တစက်စီးကျနေပြီး အရုပ်လေးရဲ့ခြေထောက်မှာစွန်းထင်သွားတယ်…
သူ မဆုံးခင်လေးမှာ ဆရာဝန်ကိုပြောလိုက်တယ်… “၀က်ဝံရုပ်… ညီမလေးကိုပေးပေးပါ…”
ပြောပြီးတော့ ဒီလိုဘဲ အအ လေးပြုံးပြီး လူ့ဘ၀ကနေ ထွက်သွားတယ်… သူပျော်သလား… ၀မ်းနည်းသလားဆိုတာ တော့မသိဘူး…
ဆရာဝန်က ညီမလေးကို ရှင်းပြတယ်… သူရခဲ့တဲ့ စာတွေဟာ သူ ကောင်လေးရဲ့ လက်ရေးကို အတုခိုးပြီးရေးခဲ့တာပါ… သူသိနေတယ်… ကောင်လေးကလဲ သူ့ညီမ နေပြန်မကောင်းတဲ့ အချိန်အထိ သူသေသွားပြီဆိုတဲ့ အကြောင်းကို ပေးသိစေချင်မှာမဟုတ်ဘူး… ဆရာဝန်က ကောင်လေးရဲ့ဆန္ဒကို ဖြည့်ဆည်းပေးချင်လို့ ဒီစာတွေကိုရေးခဲ့တာပါ…
ညီမလေးဟာ ဘာပြန်ပြောရမှန်းမသိတော့ဘဲ တိတ်ဆိတ်စွာဘဲ အရုပ်ကို ယူပြီးအိမ်ပြန်ရောက်ခဲ့တယ်…
အခန်းထဲမှာတော့ ရိုးရိုးရှင်းရှင်းဘဲ… ဒါပေမဲ့ ရှင်းထားတာ အရမ်းသပ်ရပ်တယ်…အထူသဖြင့် ညီမလေးရဲ့အခန်း… သူရှိနေသေးတဲ့အချိန်မှာထက်တောင်သပ်ရပ်သေးတယ်… တစ်ခုဘဲ… ပရိဘောဂတွေ အပေါ်မှာ ဖုန် ပါးပါးလေးတစ်လွှာဖုံးနေပြီ…စာပွဲပေါ်မှာ ပန်းအိုးတစ်လုံးရှိတယ်… ပန်းအိုးထဲက ပန်းတွေလဲ ညိုးနွမ်းနေပြီ… ဘေးမှာ မညီမညာရေးထားတဲ့ စာတစ်စောင်… “ညီမလေး ပြန်လာတာကို ကြိုဆိုပါတယ်…”
ကောင်လေး ညီမလေး ဆေးရုံဆင်းရတော့မှာကို သိလို့ ကြိုတင်ပြင်ဆင်ထားတာလေးတွေပါ…
ဒါပေမဲ့ ဒီအချိန်မှာတော့ အအလေးရယ်တတ်တဲ့ ရယ်သံကို မကြားရတော့ဘူး…
ညီမလေး ကောင်လေးရဲ့ အခန်းထဲကို ရောက်လာတယ်… ကောင်လေးကျန်ခဲ့တဲ့ပစ္စည်းတွေကို ရှင်းဖို့လုပ်တော့ သူ ကြည့်ချင်နေတဲ့ စာအုပ်လေးကို တွေ့ခဲ့တယ်…
စာအုပ်မှာ ဘိန်းမုန့် အနံ့လေးက စွဲလို့… စာအုပ်ထဲမှာတော့ မညီမညာ ရေးထားတဲ့ စာလုံးလေးတွေ…

ညီမလေးက အအိပ်ကြီးတယ်… မနက် ထတဲ့အချိန်မှာ မဆူညံအောင်လုပ်ရမယ်… သူ့ကို မနိုးအောင်လို့…
ညီမလေးက ဘိန်းမုန့်မကြိုက်ဘူး… ခေါက်ဆွဲထုတ်ဘဲစားတယ်… မနက်ထလာရင် သူ့ကို အရင်လုပ်ပေးပြီးမှ အပြင်ထွက်ရမယ်…
ညီမလေးက သူ့အခန်းထဲ ၀င်တာကို မကြိုက်ဘူး… သူနဲ့နီးနီးကပ်ကပ်နေတာကို မကြိုက်ဘူး… သူ့ခွင့်ပြုချက်မရဘဲ အခန်းထဲမ၀င်ရဘူး…
ညီမလေးက ငါက သူ့အစ်ကိုဆိုတာကို တခြာလူ မသိစေချင်ဘူး… သူ့သူငယ်ချင်းတွေကို လုံးဝပေးသိလို့မရဘူး…
ညီမလေးမှာ ရောဂါရှိတယ်… ဒါပေမဲ့ သူ့မှာ မေမေ့လို ရောဂါရှိတယ်ဆိုတာကို လုံးဝပေးသိလို့မဖြစ်ဘူး…
ငါ အလုပ်ကြိုးစားပြီး ပိုက်ဆံရှာရမယ်…
ညီမလေးရဲ့ရောဂါ ကုလို့ပျောက်ပြီ…
ညီမလေးကတော့ ကောင်လေးနဲ့ စာအုပ်လေးကို ဖတ်ပြီး ရှိုက်ကြီးတငင် ငိုတော့တာဘဲ…
အဲဒါပြီးနောက်ပိုင်းမှာ ညီမလေးကလဲ ကောင်လေးလိုဘဲ ညတိုင်း ခြံထဲက မြက်ခင်းပြင်မှာ ကောင်းကင်းထက်က ကြယ်တွေကို ကြည့်ရတာ နှစ်သက်ခဲ့တယ်…
ကောင်းကင်ယံမှာ ကြယ်လေးတစ်လုံးထပ်တိုးလာပါတယ်… အဲဒါကတော့ သူ့ရဲ့ “အ”နေတဲ့ အစ်ကိုလေးပါဘဲ…
သူ့ဖေဖေမေမေနဲ့ နီးကပ်လို့ သူ့ကို မိုးကောင်းကင်ထက်ကနေ စောင့်ကြည့်နေပါတယ်…  ။           ။

မိုးရေစက်များ၏ သုညအတ္တအင်အား

မိုးခါးကြီးရွာသွားပြီဆိုတော့ ဇနပုဒ်ငယ်လေးတစ်ခုဆီသို့သူရောက်လာခဲ့သည်။ ရည်ရွက်ချက်မရှိဘဲ ရောက်လာခဲ့ခြင်းဖြစ်၏။ ယခင်ဤရွာလေး ရှိကြောင်းပင်မသိ။ ဤရွာကလေးတွင်နေထိုင် ကြသော လူမျိူးစု သုံးခုအကြောင်းကိုလည်း ကြားပင်မကြားဖူးခဲ့ပေ။
ဤရွာကလေး၌ မိုးခါးကြီးရွာသွားပြီး သောက်သုံးမိသူများရူးသွားကြောင်း၊ မသောက်ဘဲ နေသူများက လည်း ကျောက်ရုပ်ဖြစ်ကျန်ခဲ့ကြောင်း သတင်းနှင့်အတူ ဤရွာမှလူများ၏ ရှေးဟောင်းသင်္ချာ နည်း စနစ်များကို သူသိခဲ့ရခြင်း ဖြစ်သည်။
မိုးခါးကြီး ရွာခြင်း၊ ရူးသွပ်ခြင်း ၊ကျောက်ရုပ်ဖြစ်ခြင်း၊ စသည့် သတင်းများထက် ရှေးဟောင်း သင်္ချာ နည်းဆိုင်ရာသတင်းက သူ့ကို ပိုမိုဆွဲဆောင်နိုင်ခဲ့သည်။ လေ့လာ ဆည်းပူးချင် စိတ်များတဖွားဖွား ပေါ်ပေါက်လာပြီးနောက် သူဤ ရွာသို့ ရောက်လာခဲ့ရခြင်းဖြစ်လေသည်။
မိုးခါးရေ သောက်ထားပြီးသူ တွေဟာ အသ်စိတ် မရှိကြတော့။ သူတို့ ပြောနိုင်တာ တချက်ဘဲ ကျန်ရစ် ခဲ့သည်။ ထိုအချက်ကတော့ သူတို့ သောက်ခဲ့သည့် မိုးခါးရေခွက်အရေအတွက် ကို ပြောပြ နိုင်ခြင်း ဖြစ်၏။
မိုးခါးရေက အတော်ဆွဲဆောင်မှုရှိပုံပဲ
ထိုသို့ ပင်သူမှတ်ချက် ချမိ၏။ မသောက်ရ မနေနိုင်အောင်နှင့် သောက်မိသူကိုလဲ ထပ်ထပ်သောက် ချင်နေစိတ်ရှိအောင် ဆွဲဆောင်ဖမ်းစားနိုင်ခဲ့ပုံ ရသည်။ အချို့လူများသောက်ခဲ့ သည့် မိုးခါးရေခွက် အရေ အတွက်က အတော်များလေ၏။
ထိုခွက်အရေ အတွက်များကို သူတို့၏ရှေးဟောင်း သင်္ချာ ညွှန်ပြချက် နည်းများအတိုင်းညွှန်ပြ သွား ကြ၏။ ထိုညွှန်ပြချက်နည်းများကို သူစိတ်ဝင်တစားလေ့လာ မိလေသည်။
အစုသုံးစုခွဲ ပြီးသူလေ့ လာလိုက်ရ၏။
ပထမ အစုမှ လူအများသည်ဓားများ ဝှေ့ရမ်းပြီး ပါးစပ် မှလည်း ရေ- - -ရေ - - -ဟု ညည်းတွားနေ ကြ၏။ သူတို့ သောက်ခဲ့သော တစ်ဦးစီ၏ ခွက်အရေအတွက်များကို သစ်ပင်များပေါ်မှာ သူဖတ်ခဲ့ ရ သည်။ ပင်စည်ပေါ်မှာ ဓါးနှင့် အထစ်ကလေးများ ထစ်ပြီး ခွက်အရေ အတွက်ကို ရေးမှတ်ကြ သူများ ဖြစ်သည်။ ဓါးထစ်တ ထစ်လျှင် တခွက်ဖြစ်သည်။
ဒုတိယ အစုမှလူအများကတော့ လက်ထဲမှ ကြိုးများကို ဆွဲချည် ဆန့်ချည် လုပ်ရင်း တဟင်းဟင်း အော်နေကြ ၏။ သူတို့ သောက်ခဲ့သည့် ခွက် အရေ အတွက်ကို သူတို့လက်ထဲမှ ကြိုးများမှ တဆင့် သိ ရ၏။ သူတို့ က ကြိုးကို အထုံးကလေးထုံးရင်း မှတ်သားသွားကြ ခြင်းဖြစ်၏။
ကွစ်ပူ (ျှကငစက) ပုံစံပါလား
သူ... အလွန် သဘောကျသွား၏။ ထိုသို့ကြိုးအထုံးဖြင့် ရေတွက်မှုသဘောတရားကို တောင်အမေ ရိကတိုက်မှ အင်ကာ လူမျိုးများ လည်းသုံးစွဲဖူး၏။
လေ့လာရ အခက်ခဲဆုံးဖြစ်ခဲ့သည်မှာ တတိယ အုပ်စုဖြစ်သည်။
တတိယ အုပ်စုမှလူများသည် လမ်းမပေါ်မှာ ကခုန်နေကြ၏။ ဘာစကားကိုမှ မပြောကြ။ သို့သော် သူတို့၏ မျက်လုံးများထဲမှ မွတ်သိပ်မှုကို တွေ့နေရသည်။
အားပါးပါး....မလွယ်ပါလား
သူတို့၏ ကခုန်မှုမှာ သူတို့သောက်ခဲ့သည့် ခွက်အရေ အတွက်ကိုညွှန်ပြနေခြင်းဖြစ်သည်။ ခန္ဓာကိုယ် အစိတ်အပိုင်းများကို ကိန်းဂဏာန်းများ အဖြစ် သင်္ကေတပြုကာ ဖော်ပြ နေကြခြင်းဖြစ်၏။
အဓိပ္ပါယ်ဖတ်ရန် အတော် ခက်ခဲလေသည်။ ဤကဲ့သို့ သော ရေတွက်မှုပုံ စံကို နယူးဂီနီ လူမျိုးများ လည်း သုံးစွဲ ကြ၏။ သူ..ကြိုးစားပမ်းစား လေ့လာယူရလေသည်။ ကျေနပ်အားရ မှုလည်းရှိခဲ့၏ ။
လေ့လာမှုများပြီးဆုံးပြီဟု ယူဆသော အချိန်ကျမှ....
အင်း. .ကျောက်ဖြစ်တဲ့လူကို သွားကြည့်ရဦးမယ်။
မိုးခါးရေမသောက်ဘဲ တောင့်ခံနေသဖြင့် ကျောက်ဖြစ်သွားသူမှာ တယောက်တည်း ဖြစ်၏။ (ကျန်လူ များအားလုံးမှာ မိုးခါးရေ သောက်ပြီးရူး သွားကြ၏။)
ထိုလူသည် သို့မဟုတ် ကျောက်ရုပ်သည် အဝေးသို့ လှမ်းကြည့်နေ၏။ ကျောက်ဖြစ်နေသော မျက်လုံး များကတော့ ဘာကိုမှမြင်ပုံမပေါ်။ ထိုကျောက်ရုပ်ကိုလှည့်ပတ်ကြည့် ရှုရင်းသူ. .သက်ပြင်းချမိ၏။
ဖြစ်မှ- -ဖြစ်ရလေ
ထိုလူအတွက် စိတ်မကောင်းဖြစ်ရင်း သူ့စိတ်ထဲမှာလဲစိမ့်ပြီးကြောက်လာ မိ၏။
အင်း.. အခုပြန်တာဘဲ ကောင်းပါတယ်..
ထိုအခိုက်မှာပင်...
ရုတ်ချည်းဆိုသလို ကောင်းကင်သည် ညိုမှိုင်းသွား၏။
ဝေမှုန်သော်လဲ ကြမ်းတမ်းသည့်လေတို့က အေးရှစွာ ကျဆင်းလာသည်။ တစ်စုံတစ်ခုသော ရနံ့ကို ရှု ရှုက်လိုက်ရပြီး . . .
ဟင်...မိုးခါးကြီး ထပ်ရွာတော့မယ်
ရင်ထဲမှာ ပူလောင်ပြီး ကမ္မာပျက် သွားသလို ခံစားလိုက်ရသည်။
လေထဲမှာမိုး၏ အငွေ့ အသက်တို့ ပါလာသည်။ သူ့အပေါ်ကျလာသော မိုးစက်မိုးမှုန် ပျပျကလေး များကို လက်နှင့် ဝှေ့ယမ်းကာကွယ် နေမိ၏။
ဂျိမ်း....ဂျုန်း
မိုးခြိမ်းသံ ကြီးက ခြောက်ခြား ဖွယ်ရာ ပေါ်ထွက်လာသည်။ သဲကြီးမဲကြီးရွာတော့ မည်မှာသေချာ၏။
သူ ယောက်ယက်ခက် ပြေးလွှားနေမိသည်။ ဤမိုးကို ကာကွယ်၍ရတော့မည် မဟုတ်ကြောင်းကို လည်း သိလိုက်ရသည်။
လူများကို ဒုက္ခဆိုး အမျိုးမျိုးပေးခဲ့သော မိုးခါးကို သူပက်ပက်စက်စက် ဆဲဆိုရင်း လမ်းပေါ်မှာ ခုန် ပေါက်နေမိ၏။
ပြီး ... လိုအပ်ချက်တစ်ခုကို သတိရပြီး . .ဘေးဘီဝဲယာဆီလျှောက်ကြည့် မိသည်။
ဓါးတစ်လက်ကို တွေ့သည်။ ကောက်ယူပြီး သစ်ပင်ဆီသို့ ပြေးသွားကာ ပင်စည်မှာအထစ်လုပ်ကြည့်၏
ခုတ်ကြည့်ခြင်း ဖြစ်သည်။ သို့ သော်ဘာ တစ်ခုမှ ထင် မကျန်၊ ဆွေးမြေ့နေပြီဖြစ်သော ဓားကြီးက ကြိုး သွား၏။
တောက် . . .
လမ်းမပေါ်မှာ ကြိုးတချောင်းကိုတွေ၍ ကုန်းကောက်ရသေးသည်။ ကြိုးကို အထုံးလေးများရစ် ချည် ကြည့် ၏။ မရချေ။ ထို ကြိုးထုံးနည်းကို သူမထုံးတတ်၊ ပုံစုံမျိုးစုံနှင့် ကမန်းကတန်း ချည်ကြည့် နေပြီး မရလွန်းသည့် အဆုံးမှာ ထိုကြိုးကို ဒေါသ တကြီး လွှင့်ပစ်လိုက်၏။
နောက်ဆုံး အနေနှင့် ကိုယ်အင်္ဂါ အစိတ် အပိုင်းနှင့် ဖော်ပြနိုင်ရန် သူကြိုးစားရသည်။ မိုးစက်တွေ က လည်းခပ်ပါးပါး ကျရောက်နေပြီ ဖြစ်၏။
သို့ သော်လည်း ဒူးမြောက် လက်မြောက် လုပ်နေရခြင်းသည် သူ့ အတွက် အဆင်မပြေလှချေ။ ကိုယ် အင်္ဂါ အစိတ်အပိုင်းများမှ တဆင့် ကိန်း ဂဏာန်းကို ဖော်ပြနေသလို မဖြစ်ဘဲ ဓါတ်လိုက်နေသလို ၊ ဘရိတ်ဒန့် ကနေသလို လို ဖြစ်နေသည်။
ဒုက္ခပဲ
ထိုသို့ ဆိုရင်တော့ တနည်းဘဲ ကျန်တော့သည်။ ကျောက်ရုပ်ရှိရာကို သူအပြေးသွားလိုက်၏။
မိုးခါးရေကို သူမသောက်ဘဲ ကျောက်ရုပ် အဖြစ်ခံတော့မည်။
ကျောက်ရုပ်၏ နဘေးမှာ သူဝင်ရပ်သည်။ ရပ်ရပ် ခြင်းမှာတော့ လက်နှစ်ဘက် တွဲလောင်းချပြီး တောင့် တောင့် ကြီးရပ်နေလိုက်ခြင်း ဖြစ်သည်။ ထို့နောက်မှာမူ နောင်လာနောက်သားတွေ အမြင်မှာ သူ့ ကျောက်ရုပ်လှပရန် လိုအပ်ကြောင်း ကိုသတိရသည်။
ထိုသို့ဖြင့် တစောင်းပြင်ရပ်သည်။ ခါးမှာ လက်ထောက်ရပ်၏၊ ဆံပင်ကို ပင့်တင် ရသေးသည်။ ဓါတ် ပုံဆရ ရှေ့မှာ အိုက်တင်ပေးသည့်နှယ် သူ့ကိုယ်ဟန်ကို အမျိုးမျိုး ပြုပင်နေရ၏။
သိပ် အချိုးမပြေသလို ခံစားမိ၏။ မိုးကြီးကရွာ လာပြီ။ ထိုအခါကျမှ ပန်းပုရုပ်တစ်ခု ၏ကိုယ် ဟန်ကို သတိရပြီး သူထိုင်ချလိုက်သည်။
ကမ္ဘာကျော် ပန်းပုဆရာကြီး သြဂတ်ရိုဒင်၏ အတွေးအခေါ် သမား (ွှ့ငညုနမ ) အမည်ရှိ ပန်းပု၏ ကိုယ်ဟန်အတိုင်း သူထိုင်နေခြင်းဖြစ်သည်။ ဒဿန တစ်ခုခုကို အလေးအနက် စဉ်းစားတွေးခေါ်နေဟန် . .
မိုးကြီးက တဝေါဝေါ ရွာချလာ၏။
အား . .အေးလိုက်တာ
ခိုက်ခိုက်တုန်အောင် ချမ်းအေးနေသော်လည်း ဤကိုယ်ဟန် အနေအထားကိုမပျက်အောင် သူထိုင်နေ ခဲ့၏။
တစ်ကိုယ်လုံးလဲ စိမ့်စက် ရွှဲစိုနေပြီ။ ထိုင်ရတာလဲ ပင်ပန်းလှပြီ၊ မိုးကြီးရွာတာလဲ ကြာပြီ။ နောက်ဆုံး ဆဲချိန်ကျမှ ဤမိုးသည် မိုးခါးမဟုတ် ရိုးရိုး မိုးဖြစ်မှန်း သူသိရ၏။
....
ဘာပြောရမှန်းပင်မသိ။ အူကြောင်ကြောင်ဖြင့် သူပြန်ထလိုက်ရသည်။ ထွက်ခွာရန် ပြင်ချိန်ရောက်မှ သူ့ ကို စိုက်ကြည့်နေသော မျက်လုံးအစုံများကို မြင်လိုက်ရသည်။
ဟင်
ကိုယ့် အပူနှင့် ကိုယ် ပြာလောင်ခတ်နေခဲ့၍ ထိုလူများကို သူသတိမထားမိခဲ့။ ( ဘယ်အချိန်ထဲက ရောက်နေကြမှန်းမသိ)
သူ့လိုဘဲ လာရောက်လေ့လာ သူများဖြစ်ပုံရသည်။ သူ့ကို ကြည့်နေကြရင်းတယောက် ကပြော၏။
အရူးတွေထဲ ဒီအရူးအဆိုးဆုံးဘဲနော်
အေးလေ . . . မိုးခါးရေတွေ သူဘယ်နှစ်ခွက်လောက် သောက်ပစ်လိုက်လဲမှ မသိတာ။ အများတုံးသောက် ပြီး အရူးဆုံး ဖြစ်သွားတာနေမှာပေါ့။. . .ကျွတ်. .ကျွတ်. .ဖြစ်မှ ဖြစ်ရလေ
သူတို့အားလုံးက သူ့ ကို စိတ်မကောင်းစွာ ၀ိုင်းကြည့်နေကြလေသည်။


ကြိုက်လို့ ပြန်တင်ထားဖြစ်တာပါ ...
                                                                    တာရာမင်းဝေ အမှတ်တရ( နေရဲ့ အင်္ကျီ စာအုပ်မှ)

ကြောက်စိတ်

  ပို့ မတင်ဖြစ်တာတောင်ကြာပြီ ရှိစုမဲ့စု သူငယ်ချင်းတို့ ရေ ဒီနေ့ တော့ စာလေးတစ်ပုဒ်ဖတ်လိုက်ရတယ်
ဆရာမောင်သစ်ဆင်းရဲ့ “ကြောက်စိတ်”ဆိုတဲ့ စာလေးတစ်ပုဒ်ပါ ကျွန်တော်ကြိုက်တာနဲ့  သူငယ်ချင်း
တို့ ကိုပါမျှဝေလိုက်ပါတယ်
   ကြိမ်လုံးအကြောင်းစဉ်းစားမိတိုင်းအထက်တန်းကျောင်းသားဘ၀တုန်းက ကြုံခဲ့ရတာလေး တစ်ခုကို အမြဲသတိရနေမိပါတယ်။ မြန်မာစာ အချိန်မှာ ပင်ရင်း စကားပြေလက်ရွေးစင်ထဲက မင်းတုန်းမင်းနှင့် ငါးခြောက်ပြား ဆောင်းပါးကို သင်ပြီးစပေါ့။မင်းတုန်းမင်းငယ်ရွယ်စဉ် မောင်လွင်ဘ၀က စံကျောင်း ဆရာတော် ဆီမှာပညာသင်ကြားခဲ့ရတယ်။တစ်နေ့မှာ အင်းသားကြီးငကြူးက ငါးခြောက်ပြားကြီး တစ်ပြားလာပြီး လှူတယ်။ ဆရာတော်က ငါးခြောက်ကို သိပ်ကြိုက်ပါသတဲ့။ ကျောင်းမှာကလည်း

ငါးခြောက်ပြတ်လပ်နေချိန်ဖြစ်တော့ ဆရာတော်က မောင်လွင်ကို ကျက်သရေခန်းထဲမှာသေသေချာချာ သိမ်းခိုင်းလိုက်ပါတယ်။ နောက်တစ်နေ့ ဆရာတော် ဆွမ်းဘုဉ်းပေး တဲ့အခါ မောင်လွင်ကို ငါးခြောက် ဖုတ်ခိုင်း တော့ ငါးခြောက်က ရှာမတွေ့တော့ဘူး။

     ဆရာတော်ကတော့ လက်ဆေးပြီးနှမ်းဆီမွှေးမွှေးနဲ့ ရောက်လာမယ့် ငါးခြောက်ဖုတ်ကို စောင့်နေတာပေါ့.။ မောင်လွင်မှာ ဘယ်လိုမှ ရှာဖွေ မေးမြန်းစုံစမ်းလို့မရဘဲ ဗျာများနေခိုက် ဟဲ့...... ငလွင်မရသေးဘူးလား လို့မေးလိုက်တော့ ညှိုးညှိုးငယ်ငယ်နဲ့ပဲ ငါးခြောက်ပြားကြီး ပျောက်ဆုံးသွားတဲ့အကြောင်း တင်လျှောက် ရတော့တယ်။ ငလွင်......လာခဲ့ လို့ ထားဝယ်ကြိမ်ကို ဆွဲပြီး ခေါ်လိုက်တဲ့ ဆရာတော်အသံက ကျောင်းသား အားလုံးရဲ့ နှလုံးသားကို ကန့်လန့်ဖြတ်ဝင်သွားပါသတဲ့။

     ဟဲ့...ငလွင် နင်ဟာ ဘုရင့်သား၊ အကြောင်း ညီညွတ်ရင် နိုင်ငံကို အုပ်ချုပ်မင်းလုပ်ရမယ့်သူ။ ဒီလိုလူက ငါးခြောက်ပြား တစ်ချပ်ကိုတောင် လုံခြုံအောင် မစောင့်ရှောက်နိုင်ရင် နိုင်ငံကို နင်ဘယ်လို လုံခြုံအောင်
လုပ်နိုင်တော့မှာလဲ လို့မိန့်ပြီး အချက်ပေါင်း များစွာ ရိုက်နှက်ဆုံးမပါသတဲ့။

     ဒီဆောင်းပါးကို သင်ပြီးတော့ ဆရာက သင်ရိုးထဲက မေးခွန်းတွေကို ဖြေခိုင်းပါတယ်။ မေးခွန်း တစ်ခုက စံကျောင်း ဆရာတော်၏ ဆုံးမမှုကို သင်လက်ခံပါသလား လို့ အဓိပ္ပါယ်မျိုးပေါက်တဲ့ မေးခွန်းပါ။ နောက်တစ်နေ့ မြန်မာစာအချိန်ရောက်တော့ ဆရာဟာ အတန်းထဲကို ခြေသံပြင်းပြင်းနဲ့ဝင်လာပါတယ်. အဖြေလွှာ တွေကို စားပွဲပေါ် ဘုန်းခနဲမြည်အောင် ပစ်ချလိုက်ပါတယ်။

     ဆရာ့မျက်နှာက နီပြီးတင်းလို့။ တစ်တန်းလုံးကို ဝေ့၀ဲပြီးကြည့်တယ်။ တစ်တန်းလုံး ကလည်း ငြိမ်လို့။ ဆရာ ဘာဖြစ် လာတာပါလိမ့်လို့ တွေးနေကြပုံပဲ။ ဆရာက ကျောင်းသားတစ်ယောက်ရဲ့နာမည်ကို ခေါ်ပြီး အတန်းရှေ့ ထွက်ခိုင်းပါတယ်။ နောက်ဆုံးခုံက ကျောင်းသားတစ်ယောက်ထွက်လာပါတယ်။ ဆရာက အဖြေလွှာတစ်ရွက်ကို ဆွဲထုတ်ပြီး အဲဒီကျောင်းသားကို ပေးလိုက်တယ်။ "ဒါ မင်းအဖြေလား"။ "ဟုတ်ပါတယ် ဆရာ"၊ "အေး တစ်တန်းလုံး ကြားအောင် ဖတ်စမ်း" နည်းနည်း အံ့သြနေပုံနှင့် ကျောင်းသားက သူ့အဖြေကို ဖတ်ပါတယ်။ မှတ်မိသလောက်ဆိုရင် စံကျောင်းဆရာတော်ရဲ့ ဆုံးမပုံကို မကြိုက်ကြောင်း။ ဆရာတော်ရဲ့ အဲဒီအချိန်က စိတ်ခံစားမှုဟာ တပည့်ကို လမ်းညွှန်ချင်စိတ်ထက် မိမိအလွန်တရာ ကြိုက်နှစ်သက်တဲ့ ငါးခြောက်ဖုတ်ကို ဘုန်းမပေးရတဲ့အတွက် ဖြစ်ပေါ်လာတဲ့ ဒေါသစိတ်ကပိုပြီး ကြီးမားနေနိုင်ကြောင်း၊ ပြီးတော့ ဒီကိစ္စဟာ ဒီလောက် ရိုက်နှက် အပြစ်ပေးစရာမလိုကြောင်း၊ နားဝင်အောင်ဆုံးမလျှင် ရပါလျှက်နှင့် သေရာပါ အမာရွတ်ထင်အောင် ရိုက်နှက်ခြင်းဟာ ဒေါသစိတ်ကြောင့် ဟု သံသယဖြစ်စရာရှိကြောင်း။ ဘုရားသားတော် တို့မည်သည် ရသတဏှာဖြစ် ဆွမ်းဘုဉ်း မပေးသင့်သည်ကို သတိရသင့်ကြောင်း၊ ဆရာကိုယ်တိုင်က ဤ၀ိနည်းကို မထိန်းသိမ်းနိုင်ပါဘဲ တပည့်ကို ဆုံးမခြင်းမှာ စဉ်းစားဖွယ်ဖြစ်ကြောင်း၊ အသားနာမှ အရိုးစွဲမှတ်မည်လို့ထင်ပြီး ပြင်းပြင်းထန်ထန် အပြစ်ပေးဆုံးမခဲ့ပေမယ့် မင်းတုန်းမင်း လက်ထက်မှာ အောက်မြန်မာနိုင်ငံ တစ်ခုလုံးကို အင်္ဂလိပ် လက် ထိုးပေးလိုက်ရတဲ့အတွက် ဒီဆုံးမနည်းဟာ မအောင်မြင် နိုင်ကြောင်း၊ အဲဒီလိုတွေ ဖြေထားတာဗျ။

     တစ်တန်းလုံးက တခိခိနဲ့ရယ်ကြတယ်၊ သူတစ်ကြောင်းဖတ်လိုက်၊ ခိခနဲ ကျိတ်ရယ်လိုက်ကြနဲ့။ ဆရာကတော့ ကျောင်းသားတွေရယ်လေ ဒေါသထွက်နေလေပါပဲ။ ကျောင်းသား ဖတ်သွားပြီးတော့ ဆရာက သူ့ကိုမေးတယ်။ "မင်း ငါ့ကို နောက်တာလား" "ဟာ.......မဟုတ်ပါဘူး ဆရာ၊ ကျွန်တော် မေးခွန်းကို ဖြေတာပါ" ကဲအားလုံး သူဖြေတာကို လက်ခံကြသလား၊ တစ်ယောက်စီ မေးမယ်၊ ကဲ....မင်းကစ၊ သူဖြေတာ မှန်သလား၊
မှားသလား။

     ပထမဆုံး အမေးခံလိုက်ရတဲ့ ရှေ့ဆုံးခုံက ကျောင်းသားဟာ ရုတ်တရက် ဘာဖြေရမှန်း သိပုံမရဘူး။ အဖြေရှင်ကျောင်းသားကို ကြည့်လိုက် ၊ ဆရာ့ကို ကြည့်လိုက် ဘေးဘီကို ကြည့်လိုက်နဲ့။ ကျွန်တော့် စိတ်ထဲမှာတော့ အဲဒီကျောင်းသားရဲ့ အဖြေကိုကြိုက်နေတယ်။ ကျွန်တော်လည်း သူ့လိုခံစားမိတာပဲ။ ဒါပေမယ့် သူ့လို မဖြေတတ်ဘူး။ သူ့လို ထောင့်စေအောင် မမြင်တတ်ဘူး။ ပြီးတော့ သူ့လို မဖြေရဲဘူး။ တစ်တန်းလုံး လိုလိုလည်း ကျွန်တော့်လိုဘဲထင်တယ်။ သူတို့ မျက်နှာတွေကို ကြည့်ရင်သိသာပါတယ်။
ဟေ့ကောင်.......ဖြေလေကွာ ရှေ့ဆုံးက ကျောင်းသားခမျာ တုန်သွားပါတယ်။ အဖြေရှင်ကျောင်းသားကို တစ်ချက်ခိုးကြည့်ပြီး ခေါင်းငုံ့ချ လိုက်တယ်။

     တကယ်တော့ ဆရာကမှန်သလား၊ မှားသလားဆိုတဲ့ မေးခွန်းနှစ်ခုကို မေးနေတယ် ဆိုပေမယ့် အမူအရာ၊ လေသံ၊ ဖန်တီးထားတဲ့ ၀န်းကျင် အငွေ့အသက်တွေက မှားတယ်လို့ ဖြေစမ်း၊ မဖြေရင် ကြိမ်လုံး လို့ပြောပြီးသား ဖြစ်နေပါပြီ။ ဆရာက ကျောင်းသားတွေကို လိမ်နေသလို သူတရားပါတယ် ဖြစ်အောင် သူကိုယ်တိုင်လည်း ပြန်လိမ်နေတာပါ။ ဒါကို အဲဒီကျောင်းသားလည်း သဘောပေါက်ဟန်တူပါရဲ့။ သူဖြေတာ မှားပါတယ် ဟုတ်ပြီ၊ နောက်တစ်ယောက် မှန်....အဲ...မှားပါတယ် နောက်တစ်ယောက် မှားပါတယ်
တစ်ယောက်ပြီးတစ်ယောက် မေးလာလိုက်တာ ကျွန်တော့်အလှည့်ရောက်လာပါတယ်။ ကျွန်တော်
ထရပ်လိုက်ပါတယ်။ အသက် တစ်ချက် ပြင်းပြင်း ရှူလိုက်တယ်။ မှားပါတယ်၊ အဖြေရှင်ကျောင်းသားကို မကြည့်ရဲပါဘူး။ ခေါင်းငုံ့ပြီး ခုံပေါ်က စာအုပ်ကိုပဲ စိုက်ကြည့် နေမိတယ်။ ထူးခြားတာက ကျောင်းသားအားလုံးလည်း ဒီလိုပါပဲ။ 

     လူကုန်သွားတော့ ဆရာက အဲဒီကျောင်းသားကို နောက်ပြောင်မှုနဲ့ အတန်းထဲမှာ ရိုက်ပါတယ်။ ကြိမ်လုံးသံ တစ်ချက်ကြားရတိုင်း ကျွန်တော့် ခန္ဓာကိုယ် တစ်နေရာမှာ နာနာသွားသလိုပဲ။ ကျွန်တော်ကိုယ်တိုင် အရိုက်ခံနေရသလိုပဲ။ တစ်တန်းလုံးလည်း ကျွန်တော့လိုဘဲ ခံစားနေရမှာကပါ။ အဲဒီကျောင်းသားဟာ ကျောင်းပြောင်းသွားပါတယ်။ ကိုယ့်ထင်မြင်ချက်ကို ပွင့်ပွင့်လင်းလင်း ပြောရဲတဲ့ သူငယ်ချင်းတစ်ယောက်ကိုကျွန်တော်တို့ ဆုံးရှုံးလိုက်ပါတယ်။ ဆရာမှာ ဒီလိုတပည့်မျိုး ဆုံးရှုံးလိုက်ပါတယ်။
ကျောင်းမှာ အဲဒီလို ကျောင်းသားမျိုး ဆုံးရှုံးလိုက်ပါတယ်။ အဲဒီက ဆန့်တွေးလိုက်ရင်တော့ နိုင်ငံပေါ့ခင်ဗျာ။ ဒါဆုံးရှုံးမှုပါ။ ဘာဖြစ်လို့ ကျွန်တော်ဟာ ခံစားမှုချင်း တူပါလျှက်နဲ့ သူ့လို မဖြေရဲခဲ့တာလဲ။ ဖြေရဲသူ ရှိလာတာတောင် ကျွန်တော်က ဘာဖြစ်လို့ သူမှန်တယ်လို့ မပြောရဲခဲ့တာလဲ။ အာရုံထဲမှာတော့ ငယ်စဉ်ကတည်းက ကြုံကြိုက် ဆုံစည်းခဲ့ရတဲ့ ကြိမ်လုံးတွေ၊ ကြိမ်လုံးတွေ၊ ကြိမ်လုံးတွေ.........။ ခက်ထန်တဲ့ အမူအရာတွေ။ ။

     အဲဒီလို ကျွန်တော်တို့ရဲ့သွေးထဲမှာ အကြောက်မျိုးစေ့တွေ ပွားများလာပြီး အရွယ်ရလာတာနဲ့အမျှ ကြောက်သီးတွေ တတွဲတွဲ၊ ကြောက်ပွင့်တွေ တဝေေ၀နဲ့။ လုပ်ငန်းခွင်ထဲမှာ ပြုပြင် ပြောင်းလဲဘို့ လိုအပ်တဲ့ ပြသနာတွေ၊ အခက်အခဲတွေ ရှိရင်လည်း ကျွန်တော်ဘာမှ မပြောရဲဘူး။ အပြုဘက်က မြင်ပြီးပြောင်းလဲပစ်လိုက်ရင် အကျိုးရှိမယ်ဆိုတာ သေသေချာချာကြီး သိမြင်နေပါလျှက်ကနဲ့ အထက် လူကြီးမကြိုက်မှာစိုးလို့ ကျွန်တော်ဘာမှ အကြံမပြုရဲဘူး။ ကျွန်တော့ဆီက အကြံ၊ အတွေး၊ အမြင်၊ သဘောထားတွေကိုလည်း ဘယ်သူကမှ မတောင်းကြဘူးလေ။

     သင်ခဲ့ရတဲ့ ပညာတွေ စာအုပ်ထဲ ပြန်သွားလည်း သွားပေရော့ပေါ့။ ဟောဒီ ပရောဂျက်ဟာ ဘယ်နေရာမှာ မှားနေတယ်လို့ ကျွန်တော် မြင်ပေမယ့် ဒါဟာ ပြောရမယ့် ကိစ္စလို့ ကျွန်တော် မထင်တော့ဘူး၊ တဖြည်းဖြည်းနဲ့ အဲဒါ ကျွန်တော်မှန်တယ်လို့ ထင်လာတယ်။ ကျွန်တော့အထက် အဆင့်ဆင့်၊ အောက်အဆင့်ဆင့်က လူတွေအာလုံးက ဒါကို မှန်တယ် ထင်လာကြရင်ဖြင့်......ဌာန မနာဘူးလား တိုင်းပြည်မနာဘူးလား၊ ပညာရပ်အမြင်နဲ့ ကြည့်ရင် တစ်ကမ္ဘလုံးနဲ့ လူသားအားလုံး နာပါတယ်။ ဒါပေမယ့်....... ကျွန်တော်
အိမ်ပြန်ရောက်တော့ အကြီးကောင်ရဲ့ ငိုသံပြဲကြီးကို ကြားရပါတယ်။

သူ့အမေ လက်ထဲမှာ တုတ်တစ်ချောင်းနဲ့.......
"ဘယ်လိုဖြစ်နေကြတာလဲကွာ" "ဘယ်လိုဖြစ်ရမလဲ၊ တော့်သားက အိမ်စာပြီးအောင် မလုပ်ဘဲ ကမြင်းတာလေ၊ ပန်းကန်တစ်လုံး ကွဲပြီ"  "ဘာဖြစ်လဲကွ၊ ကလေးဆိုတာ ဒီအရွယ်မှာ.................................."
"တော်...... စာအုပ်ထဲက ဟာတွေလာပြောမနေနဲ့၊ ပန်းကန်တစ်လုံး ဘယ်လောက် အောက်မေ့လို့လဲ၊ ရှင့် ၀င်ငွေက ဘယ်လောက်..............................." 

ရွယ်ထားတဲ့ တုတ်အောက်ကနေပြီး သားကြီးက အကြောက် မျက်လုံးများနဲ့ ကျွန်တော့်ကို အားကိုးတကြီး ကြည့်နေရှာပါတယ်။ ဒါပေမယ့် ဖေဖေ့မျက်လုံး တွေကလည်း သားရဲ့ မျက်လုံးတွေလိုဘဲ ဖြစ်နေတာ ကြာပါပြီကောလား သားရယ်.......။

                                                                                                                                           မောင်သစ်ဆင်း

“စစ်နှင့် စစ်သား”

စစ်ပွဲဟူသည် နိုင်ငံရဲ့ဝါဒကို တစ်နည်းတစ်ဘာသာအားဖြင် ဆက်လက်

အကောင်အထည်ဖော် ကျင့်သုံးခြင်းသာဖြစ်သည်။နိုင်ငံတစ်ခုသည်
မိမိရဲ့ ၀ါဒလမ်းစဥင်္အရ အခြားတိုင်းပြည် တစ်ပြည်ကို လွှမ်းမိုးရန် ကြိုးပမ်းရာတွင်
အခြားနည်းလမ်းဖြင့် မအောင်မြင်သောအခါ လက်နက်အင်အားဖြင့်ဖိ လာတက်သည်။
ထိုနည်းအတူ နိုင်ငံေ၇း အဖွဲ့ အစည်းတစ်ခုသည် မိမိရဲ့ ၀ါဒလမ်းစဥင်္အရ တိုင်းပြည်
အတွင်း လွှမ်းမိုးရန် ကြိုးပမ်းရာ အခြားနည်းလမ်းဖြင့် မအောင်မြင်သောအခါ ထိုတိုင်းပြည်
အစိုးရအား လက်နက်အားကိုးဖြင့် ဖြုတ်ချရန် ကြိုးစားလာတက်သည်။
ထိုအခါ စစ်ပွဲဟူသည် ပေါ်ပေါက်လာရသည်။
မည်သို့ ပင်ဖြစ်စေ စစ်ပွဲ စပြီဆိုသည်နှင့် ပထမဆုံးသော ကျည်ဆန်သည်
ထိုတိုင်းပြည်၏ စစ်သားအား ချိန်ရွယ်ပီး ပစ်လွှတ်လိုက်ခြင်းပင် ဖြစ်သည်။
ထို့ ကြောင့် အရေးအခင်းကို ဦးဆုံးပြေးပီး တွေ့ ရသူသည် စစ်သားပင် ဖြစ်ရသည်။
ထိုစစ်သားအဖို့ မှာတော့ မည်သူက မှားသည်၊ မည်သူက မှန်သည်ဟူသော အချက်သည်
ပြသနာမဟုတ်ပါ။မဟုတ်နိုင်တော့ပါ။
ထိုစစ်သားသိဖို့ ၊ နားလည်ဖို့ ၊ ယုံကြည်ဖို့  တစ်ခုသာရှိသည်။ အဲဒါက မှားသည်ဖြစ်စေ၊
မှန်သည်ဖြစ်စေ ငါ၏ တိုင်းပြည်နှင့် ငါ၏ တပ်မတော်အောင်နိုင်ရေးပဲဖြစ်သည်။

                                                                                                         (တိုင်းပြည်ကနုနု မုန်တိုင်းကထန်ထန်)

သ၀န်တိုစိတ် ...

ကိုယ်ချစ်တဲ့သူတယောက်က နောက်တယောက်နဲ့ပျော်နေတာမြင်ရင်
စိတ်ထဲမှာ သ၀န်တိုမိမှာပဲ ....
ကိုယ်မြတ်နိုးတဲ့သူတွေကို သူများတွေက အပြောင်အပျက် ပြောနေရင်
စိတ်ထဲမှာ သ၀န်တိုမိတာပါပဲ ....

ဒါပေမယ့် တွေးကြည့်ဖူးသလား ....
သ၀န်တိုခြင်းဆိုတာ သင်တို့ချစ်ခြင်းရဲ့ ခိုင်မြဲမှုကို ပါးပါးလေး ကပ်လှီးနေတဲ့
ဘလိတ်ဓားတချောင်းဆိုတာ ....


သ၀န်တိုခြင်းရဲ့ တခြားဘက်မှာ ဘာရှိမယ်လို့ သင်တွေးဖူးလဲ ...
အရာရာတိုင်းမှာ Limit ဆိုတာရှိတယ် ....
သိပ်ချစ်လို့ သိပ်သ၀န်တိုတယ် ...
ဖြစ်တတ်တဲ့သဘောတရားတခုပါ ...

မည်သူတဦးတယောက်ကိုမျှ သ၀န်မတိုပါနဲ့လို့ မတားပါဘူး ....
ဒါပေမယ့် တခြားတဖက်မှာ ကိုယ့်ချစ်သူရဲ့ ဂုဏ်သိက္ခာကို ထပ်တူထပ်မျှ
စော်ကားနေတယ်ဆိုတာ သိဖို့လိုအပ်မယ်ထင်ပါရဲ့ ....

ချစ်တဲ့သူတိုင်းကိုပျော်ရွှင်စေချင်ပါတယ် ....
ဘာလို့များ တကွက်ကျော် ... ဒါမှမဟုတ် တကွက်နောက်ကျပီး
မတွေးတတ်ရတာလဲ ..

သိပ်ချစ်လို့လို့တော့ ခေါင်းစဉ်မတပ်ပါနဲ့လား ...
ထိုအရာက သိပ်ချစ်လို့မဟုတ်ပါဘူး ...
သင့်အချစ်အပေါ် သင်သံသယ၀င်နေတာပါ ....
မိမိကိုယ်ကို မလုံခြုံခြင်းက သင့်ချစ်သူကို သင့်အနားကနေ
အဝေးကိုခေါ်သွားစေတယ်ဆိုတာ လူတိုင်းသိသင့်တယ်ထင်ပါတယ် ...

                                                                                                                               By:  Matsuri Pan

ကျွန်တော်နဲ့  A-levels မေးခွန်း ၄ ခု

ဒီမေးခွန်း ၄ခုကို website တစ်ခုမှာ မြင်ဖူးတာ တော်တော်ကြာပြီး ။ A-levels ကို ကျွန်တော် မဖြေဖူးတော့ အဲဒါ တစ်ကယ့် မေးခွန်းပုံစံလား ၊ ဒီလိုမေးခွန်းတွေ တကယ်မေး တတ်လား ဆိုတာတော့ ကျွန်တော် မသိဘူး ။ ခွင့်ပြုချိန်က ၁ မိနစ် ဆိုတော့ မဖြစ်နိုင် ဘူးလို့  ထင်တာပဲ ။ တကယ့် မေးခွန်းသာဆို တော်တော် မလွယ်တာပဲ ။

ဒီမေးခွန်း ၄ ခု ကို သတ်မှတ်ထားတဲ့ အချိန် ၁ မိနစ်ထက် အများကြီး ကျော်ပြီး ကျွန်တော် စဉ်းစားခဲ့ ပေမဲ့ စိတ်တိုင်းကျတဲ့ အဖြေ တစ်ခုမှ မရခဲ့ဘူး ။ အဖြေတွေ ကလဲ မပါတော့ ကိုယ့်ဘာသာ ကိုယ် ခန့် မှန်း ထားတဲ့ အဖြေတွေက မှန်လားမသိ ၊ မှားလားမသိနဲ့  တော်တော် ခေါင်းစားခဲ့တယ် ။

ပြီးခဲ့တဲ့ တစ်ပတ် လောက်က website တစ်ခုမှာ ဒီမေးခွန်းတွေကို အဖြေတွေနဲ့  တွေ့ လိုက်လို့  အဖြေတွေကို အောက်မှာ တင်ထားတယ် ။ မေးခွန်းတွေကို ကိုယ့်ဘာသာ ကိုယ် အရင် ဖြေကြည့် ကြပြီးမှ အောက်က အဖြေကို ကြည့်ကြပါ ။

ကျွန်တော်ကတော့ ဒီလိုတွေဖြေထားတယ်ဗျာ အဖြေမှန်တွေက ဟိုးအောက်ဆုံးမှာနော် ကျွန်တော်ဖြေထားတာတွေကို အဖြေမှန်ထင်နေဦးမယ် .. :PP

မေးခွန်း နံပတ် ၁ အတွက် ကျွန်တော့် အဖြေက...


ကျွန်တော်ရဲ့  စဉ်းစားပုံက...

မေခွန်း နံပတ် ၁ ကို မြင်တာနဲ့  ၆ ခုမြောက် ကွက်လပ်က T ဖြစ်ရမယ် လို့  ကျွန်တော် တန်းတွေး လိုက်တယ် ။ ဘာလို့  အဲဒီလို တွေးမိ လိုက်တာလဲ ဆိုတော့ မေးခွန်းမှာ logical way လို့  ပြောထားတယ်လေ ။ T က ကွက်လပ် တစ်ခုကျော်စီမှာ ရှိနေတော့ ၆ ခုမြောက်က T ဖြစ်ရမှာပေါ့ ။ ကျန်တဲ့ ကွက်လပ် ၂ ခုကိုတော့ တော်တော်နဲ့  စဉ်းစားလို့  မရဘူး ။ M နဲ့  W ကြားမှာ စာလုံး ၉ လုံးခြားပြီး W နောက်မှာက စာလုံး ၃ လုံးပဲ ကျန်နေတော့ စာလုံး အရေအတွက်နဲ့  ခြားထားတာလဲ မဖြစ်နိုင်ဘူး ။ နောက်ဆုံး စဉ်းစားမိ တာက M ကို ပြောင်းပြန် လုပ်လိုက်ရင် W ရတယ်လေ ။ M နဲ့  W ကို ပြောင်းပြန် လုပ်ပြီး T နဲ့  ခြားပြီး တစ်ခုကျော် စီ ထည့်ထားတာ ဖြစ်မယ်လို့  တွေးပြီး အပေါ်က အဖြေကို စဉ်းစား မိတယ် ။ တခြား ဖြစ်နိုင်တဲ့ အဖြေတွေကိုလဲ စဉ်းစားလို့  မရတာနဲ့  အဲဒါကိုပဲ အဖြစ် နိုင်ဆုံးလို့  သတ်မှတ် လိုက်တယ် ။

မေးခွန်း နံပတ် ၂ အတွက် ကျွန်တော့် အဖြေက...


ကျွန်တော်ရဲ့  စဉ်းစားပုံက...

စိတ်နဲ့  ဟိုနေရာမှာ မျဉ်းကြောင်းလေး ခြစ်ကြည့်လိုက် ၊ ဒီနေရာမှာ ခြစ်ကြည့် လိုက်နဲ့  ကျွန်တော် အချိန်တော်တော် ကြာအောင် စဉ်းစားပါတယ် ။ ညီမျှခြင်းရဲ့  ဟိုဖက်နဲ့  ဒီဖက်ကို ညီအောင်ညှိုဖို့  ဘယ်လိုမှ စဉ်းစားလို့  မရတဲ့ အဆုံး ၊ အပေါ်က အဖြေကို အဖြစ်နိုင်ဆုံး အဖြေလို့  ကျွန်တော် သတ်မှတ်လိုက်တယ် ။

မေးခွန်း နံပတ် ၃ အတွက် ကျွန်တော့် အဖြေက...


ကျွန်တော်ရဲ့  စဉ်းစားပုံက...

မေးခွန်းမှာ Write anything ဆိုပေမဲ့ အပေါ်က မေးခွန်းတွေ ပုံစံအရ ကိုယ်ကြိုက်တာ တစ်ခုခုကို ရေးလို့  ပြောတာတော့ မဖြစ်နိုင်ဘူး ။ Anything ဆိုတဲ့ စာလုံးကို ရေးခိုင်းတာ ဖြစ်မယ် ။ အဲဒီလိုမှ မဟုတ်ပဲ ကိုယ်ကြိုက်တာ ကိုယ်ရေး ဆိုရင်လဲ anything ဆိုတဲ့ စာလုံးကို ရေးလိုက်တာ မမှားဘူးလေ ။ အဲဒါနဲ့  အပေါ်ကအဖြေကို အဖြစ်နိုင်ဆုံး အဖြေလို့  သတ်မှတ်လိုက်တယ် ။

မေးခွန်း နံပတ် ၄ အတွက် ကျွန်တော့် အဖြေက...


ကျွန်တော်ရဲ့  စဉ်းစားပုံက...

လိုင်း ၃ လိုင်းနဲ့  လေးထောင့်ပုံ ရအောင်ဆွဲဖို့  ဆိုတာ ဘယ်လိုမှ မဖြစ်နိုင်ဘူး ။ လေးထောင့်ပုံ ရဖို့  က လိုင်း ၄ လိုင်း ရှိမှ ရမှာလေ ။ အဲဒီတော့ မေးခွန်း အောက်မှာ ဘောင်ခတ်ထားတဲ့ လိုင်းကို အောက်ခံထားပြီး ဆွဲလိုက်တယ် ။ အပေါ်က အဖြေမှာတော့ ကျွန်တော် ဆွဲတဲ့ လိုင်း ၃ လိုင်းကို မြင်သာအောင် အရောင် မတူတာနဲ့  ဆွဲထားလို့  လေးထောင့်ပုံ မဟုတ်သလို ဖြစ်နေတာ ၊ အောက်ကလိုင်းနဲ့  အရောင်တူအောင်ဆွဲလိုက်ရင် လေးထောင့်တုံး ပုံရတယ်လေ ။

အဲဒါတွေကတော့ ကျွန်တော် စဉ်းစားမိတဲ့ အဖြေတွေပဲ ၊ ကျွန်တော် ဘယ် နှစ်ခု မှန်မယ် ထင်သလဲ ။ အောက်က အဖြေမှန် တွေနဲ့  တိုက်ကြည့်ပါ ။

ကျွန်တော် ဘယ်နှစ်ခု မှန်တယ် ဆိုတာ မြင်ကြတဲ့ အတိုင်းပဲ ။ ကျွန်တော်ကပဲ ညံ့တာလား ၊ မေးခွန်းတွေ ကပဲ ခက်တာလား တော့မသိဘူး ။ ဒီမေးခွန်း တွေရဲ့  အဖြေတွေကို သိနေတဲ့ သူဆိုရင်တော့ ကျွန်တော် စဉ်းစားတဲ့ ပုံကို ကြည့်ပြီး ရယ်လွန်းလို့  သေနိုင်တယ်... xD
 သူငယ်ချင်းတို့ ရော ဘယ်နှစ်ခု မှန်လဲ... ... :)

                         

ဒုတိယဆိုဒ်မှ ကူးယူတင်ပြပါသည် ... ။

                                                                                                                      

ဖူးတံဝင့်လို့  မချီနိုင်သော

ကျွန်တော် ကျောင်းစာတွေကြောင့်ရော လေနေတာတွေရောပေါင်းပြီး ဘလော့လေးကိုတောင် ပစ်ထားမိတယ်
သင်္ကြန်တွင်းမှာ မပျော်နိုင်တဲ့ သူတွေဆိုတော့လည်း အဟဲ ...

ဟိုဖတ်ဒီဖတ်နဲ့  ကျွန်တော်ကြိုက်တဲ့ ဆောင်းပါးလေးတစ်ပုဒ်ကို သူငယ်ချင်းတို့ လည်းခံစားလို့ ရအောင်

မျှဝေပေးလိုက်ပါတယ်  ...  ဆောင်းပါးလေးနာမည်က  "ဖူးတံဝင့်လို့  မချီနိုင်သော" တဲ့

`အမေရေ…၊ ဟောဒီမှာ … … …´
နောက်ဖေး လမ်းကြားတခုထဲ ချိုးအ၀င် သူ့ကို မြင်တာနဲ့ စူးကနဲ နေအောင် အော်လိုက်သော ကလေးတယောက် အသံက အိမ်တအိမ်ဆီမှ ပေါ်ထွက်လာ၏။ သိပ်မကြာလိုက်…၊ အိမ်ကြို အိမ်ကြားမှ ခွေးဝဲစားတချုိ့၏ အသံတွေက တ၀ူးဝူး တ၀ုတ်ဝုတ်ဖြင့် ပွတ်လောညံ သွားတော့သည်။ အိမ်အတော်များများမှ လူတချို့က သတိအနေအထားဖြင့် တမျိုး၊ မလိုလားဟန် တဖုံ၊ ရွံရှာဟန် တနည်းဆောင်သော အကြည့်တွေဖြင့် သူသွားလေရာကို လိုက်ကြည့်နေ၏။ တချို့ကတော့ လှမ်းလို့ပင် အော်ပြောလိုက်ပါသေးသည်…

`ဟဲ့…၊ ပလတ်စတစ် ကောက်ရင်လဲ ပလတ်စတစ်ပဲကောက်နော်၊ အ၀တ်တွေ၊ ထဘီတွေတော့ ရုတ်မသွားနဲ့´

တချို့ကလည်း…

`သွားသွား…၊ ဒါ ပလတ်စတစ်ကောက်တဲ့ နေရာမဟုတ်ဘူး´

သူကတော့ ကြားပါများလို့ ရိုးနေပြီ ဖြစ်သော စကားလုံးတွေကို လျစ်လျူရှုလို့ မျက်လုံးတွေ ကျီးကန်းတောင်မှောက် အလုပ်ပေးရင်း လက်ထဲက သံစူးတပ် တုတ်ချောင်းရှည်လေးဖြင့် တွေ့သမျှ ပလတ်စတစ်စုတ်တွေကို ဆတ်ခနဲ ဆတ်ခနဲ ထိုးယူလို့ ပိုးလာသော ပီနန်အိတ်ထဲ ခပ်သွက်သွက် ထိုးသွင်းလိုက်သည်။

သိပ်တော့ မဆိုးလှ…။ ဒီနောက်ဖေးလမ်းထဲမှာ ပလစ်စတစ်စုတ် အတော်များများ ရလိုက်သလို အင်ဂျင်ဝိုင် ဗူးခွံအစုတ်တလုံး နဲ့ ပုလင်းခွံ သုံးလေးလုံးပါ ရလိုက်သည်။ နောက်ဖေးလမ်းကြားထဲက ပြန်ထွက်လာတော့ တယောက်ယောက်ရဲ့ အော်သံတခုက နောက်မှာ ကပ်ပါ လိုက်ပါသေးသည်။

`နောက်တခါ ဒီလမ်းကြားထဲ ၀င်လာကြည့်၊ ခဲနဲ့ ထုပစ်မယ်´

***

သူ့နာမည်က ဖိုးတေ …။ ဟိုးငယ်ငယ်ကတော့ သူ့အမေက သူ့ကို မောင်လပြည့်လို့ ခေါ်တာ ရေးတေးတေး မှတ်မိသေးသည်။ နောက်တော့ ဘယ်လိုက ဘယ်လို ဒီနာမည်တွင်လာတယ် မသိ။ အခုတော့ သူ့ပတ်ဝန်းကျင်က လူတွေက သူ့ကို `ဖိုးတေ´ လို့ပဲ နှုတ်ကျိုးနေကြပြီ။

သူတို့တတွေ နေတော့ မီးရထားခုံးကျော် တံတားတခု အောက်မှာ…၊ တခါတလေလဲ ကားလမ်းခုံးကျော် တံတားတခုခု အောက်မှာ…။ ၀တ်စုံ အပြာရင့်ရင်လူတွေ ဖြစ်ဖြစ်၊ ကာကီရောင်လူတွေ ဖြစ်ဖြစ် လာမမောင်းထုတ်သရွေ့တော့ တံတားတခုခု အောက်က အုတ်ဘောင်တန်း အဖီတခုခုဟာ သူတို့ရဲ့အိမ်။ အဲဒီ နေရာမှာပဲ စား၊ အဲဒီ နေရာမှာပဲ အိပ်။ သူ့အဖေကတော့ မီးရထားလမ်းပေါ်မှာ အအိပ်ကောင်းလို့ သေပြီတဲ့…။

သူ့အသက် ဆယ်နှစ်သား အရွယ်ရောက်တော့ သူ့အမေက အဟောင်းနဲ့ အသစ်လဲသော အရုပ်အလဲသည် လူကြီးတယောက်နောက် လိုက်သွားသည်။ အဲဒီ အလဲသည် လူကြီးက ကျူးကျော်ရပ်ကွက်တခုမှာ နေတော့ ခုံးကျော်တံတားတွေ အောက်မှာသာ နေရတာကို စိတ်ပျက်နေပုံရသော အမေက အားကိုးရှာပုံ ပေါ်သည်။

ကျူးကျော်တဲအိမ် ခပ်စုတ်စုတ်က နတ်ဘုံ၊ နတ်နန်းလဲ မဟုတ်၊ သူ့ပထွေး အလဲသည်ကြီးကလည်း သူ့ကို တင်ကျွေးမထားနိုင်တော့ သူသည်လည်း ပီနန်အိတ်ဆွဲလို့ ပလတ်စတစ် ထွက်ကောက်ရတော့သည်ပေါ့…။

***

ပလတ်စတစ် ကောက်သမား ဆိုတာက ဘာကြောင့်ရယ်တော့ မသိ…။ မြင်သူတိုင်းက တွေ့လိုက်တာနဲ့ သူခိုးတယောက်ကို ကြည့်တဲ့ အကြည့်မျိုးဖြင့် ကြည့်တတ်တာက များသည်။ ဘယ်လိုမှ ခိုးနိုင်လောက်တဲ့ နေရာမျိုးမှာ မဟုတ်တဲ့ လမ်းမကြီး နံဘေးလို နေရာမျိုးမှာတောင် စူးချွန်တုတ်ကလေးဖြင့် ဟိုဟိုဒီဒီ ထိုးဆွရင်း ပလတ်စတစ်ကောက်နေတဲ့ သူ့ကို ကွင်းရှောင် သွားသူကသွား၊ မသတီတဲ့ အကြည့်နဲ့ ကြည့်သူက ကြည့်နဲ့ သူတို့မှာ လူထက် တဆင့်နိမ့်သော လူဘ၀ကို ရောက်နေရသလိုလို…။

တချို့ အကျင့်မကောင်းသူ တယောက်တလေကတော့ လက်ဆော့ခြေဆော့နဲ့ အ၀တ်တွေ ရုတ်သွားတာမျိုး ရှိတတ်လေတော့ နဂိုကတည်းကမှ နုံချာလှတဲ့ သူတို့ကို ပိုလို့ နှိမ်ချင်စရာ ဖြစ်နေတာလားတော့ မသိပါ။ ပြောခွင့် ကြုံခဲ့ရင်တော့ လူတွေကို ဖိုးတေ ပြောပြလိုက်ချင်သည်။ ဘ၀ပေး အခြေအနေကြောင့် ဒီအလုပ်လုပ်နေရပေမယ့် သူတို့တွေ အားလုံးဟာတော့ သူခိုး ဂျပိုးများ မဟုတ်ရပါ … လို့။

***

ဒီနေ့တော့ ဖိုးတေ တယောက် ကံနည်းနည်း ကောင်းနေသည် ဆိုရမည်။ ခါတိုင်းဆိုရင် တနေကုန်အောင် ကောက်ပါမှ မပြည့်တတ်သော ပီနန်အိတ်ငယ်လေးက ဒီနေ့တော့ စောစောစီးစီးပင် ပြည့်သွားသည်။ ဒါ့အပြင် ရေသန့်ဗူးခွံတွေလည်း အတော်များများ ရလိုက်သေးသည်။

မောမောပန်းပန်းနဲ့ လျှောက်လာရင် ဗန်ဒါပင်ကြီး တပင်အောက် ရောက်တော့ ပီနန်အိတ်လေးကို ဘေးမှာ ချရင်း ခဏ ထိုင်နေခိုက်…

`ကလင်…ကလင်..ကလင်´

အသံရှည်တခုကို ကြားအပြီးမှာတော့ ဖိုးတေရှေ့က မြင်ရတဲ့ အဆောက်အဦထဲကနေ ကလေးတွေ လမ်းပေါ်ကို ဖြာခနဲ ထွက်လာကြ၏။ အဖြူ အစိမ်း ၀တ်စုံလေးတွေနဲ့ သူတို့ကို ဖိုးတေ တယောက်ချင်းစီ လိုက်ငေးနေမိသည်။ တချို့ကလည်း မိဘတွေက လာကြိုတဲ့လူကကြို၊ လမ်းလျှောက်ရင်း လာကြိုသူက ကြို…၊ ဘာပဲဖြစ်ဖြစ် အားလုံးကို ကြည့်ရသည်မှာ ပြုံးလို့…၊ ပျော်လို့…။

အဲဒီ အဆောက်အဦးထဲမှာ တနေ့တနေ့ သူတို့တွေ ဘာလုပ်နေကြလဲ ဆိုတာ ဖိုးတေ သိချင်လှသည်။ တခါတလေ အဲဒီလို အဆောက်အဦးရှေ့ကနေ ဖြတ်လျှောက်မိရင် သံပြိုင် အော်ဆိုနေကြသော အသံတွေကို ကြားရရင် သူတို့တွေလို လိုက်ဆိုချင်မိသည်။ သူတို့ ဘာတွေ ဆိုနေပါလိမ့်။

`ဟဲ့ကောင်လေး…၊ နင့်အသက် ဘယ်နှစ်နှစ် ရှိပြီလဲ´

သူ့ရှေ့မှာ လာရပ်ပြီး သနားသလိုလို အကြည့်နဲ့ မေးလိုက်သော မိန်းမကြီးကို ဖိုးတေ မျက်လုံးလေး အကြောင်သားဖြင့် ပြန်ကြည့်မိသည်။ မိန်းမကြီးဘေးမှာက ဖိုးတေနဲ့ ရွယ်တူလောက်ရှိမည့် အဖြူအစိမ်းဝတ် ကောင်လေး တယောက်…။ မိန်းမကြီးက ဖိုးတေကို မေးလိုက်ရင်း ဘေးမှာပါလာသည့် သူ့သားကို ပြောလိုက်သည်။

`သား ကျောင်းမတက်ချင်ရင် သူ့လို ပလတ်စတစ် ကောက်မလား´

ကောင်လေးက `ဟင့်အင်း၊ မကောက်ဘူး´ ဟု ခပ်သွက်သွက် ဖြေပြီး သူ့အမေအနားကို ပိုတိုးကပ်လိုက်သည်။ မိန်းမကြီးက…

`အေး…၊ ဒါဆိုရင် သား ကျောင်းတက်ရမယ်၊ စာ ကြိုးစားရမယ်နော်။ စာမတတ်ရင် သူတို့လိုပဲ လမ်းဘေးမှာ သား ပလတ်စတစ် ကောက်ရမှာ´

မိန်းမကြီးက ပြောလဲပြော၊ သူ့သားကိုလည်း ခေါင်းကို ဖွဖွ ပွတ်ပေးတော့ ကောင်လေးက ခေါင်းငြိမ့်ပြသည်။ ခဏကြာတော့ သူတို့ ပြန်လှည့်ထွက်သွားသည်။ ပြန်လှည့်မသွားခင် မိန်းမကြီးဆီက ငါးကျပ်တန် တရွက် သူ့ဆီ လွင့်ကျလာသည်။ ဖိုးတေ အားရ၀မ်းသာဖြင့် ကောက်ယူလိုက်၏။

***

ညနေ မိုးချုပ်လုပါပြီ။

အမှောင်ထုက လောကတခွင်ကို ၀ါးမျိုးလုဆဲတွင် မှိတ်တုတ်တုတ် အလင်းရောင်တချို့ဖြင့် အိမ်တချို့ဆီက ကလေးတချို့ရဲ့ စာအံသံ လမ်းပေါ်လွင့်နေသည်။

`ပန်းကလေးများ ပွင့်တော့မည်၊ ဖူးတံဝင့်လို့ချီ… နေခြည်မှာ ရွှေရည်လောင်း၊ ငါတို့ စာသင်ကျောင်း´

လမ်းပေါ်က အမှောင်ထဲမှာတော့ ဖိုးတေတယောက် ပီနန်အိတ်ခွံလေး ထမ်းလို့ လျှောက်နေဆဲ…။ ဖိုးတေ ပလတ်စတစ် ကောက်နေတာ ပညာမတတ်လို့လား…၊ ဒါမှမဟုတ်… … … …။

ဘာကြောင့်လဲ ဆိုတာကတော့ ဖိုးတေတယောက် မသိနိုင်ပေမယ့် အဖြေပေါင်းများစွာကတော့ ရှိနေပါလိမ့်မည်။ ဖူးတံဝင့်လို့ မချီနိုင်တဲ့ ဖိုးတေလို ပန်းကလေးတွေကတော့…။

မဇ္ဈိမ ဆိုဒ်မှကူးယူဖေါ်ပြသည်။

ကျွန်တော်နဲ့  တစ်ချို့ တစ်လေ

လူတစ်ချို့ ကိုယ့်ဘဝထဲ ဝင်လာကြတယ်။ 

ဒါပေမယ့် တစ်ချို့က မြန်မြန်ဆန်ဆန် ထွက်ခွါသွားကြတယ်။

တစ်ချို့က ခဏလေး ရပ်နားပေမယ့် 

တစ်ချို့က ကြာကြာရပ်နားပြီး ကိုယ့်သူငယ်ချင်းတွေ ဖြစ်လာခဲ့တယ်။
ကိုယ့်ရင်ဘတ်မှာလှပတဲ့ အမှတ်တရခြေရာတွေ ထွင်းရစ်ခဲ့ကြတယ်။

တစ်ချို့က ကိုယ့်အတွက် ဂုဏ်ယူကြတယ်။
တစ်ချို့က ကိုယ့်ကို သတိရကြတယ်၊ ဂရုစိုက်ကြတယ်။
တစ်ချို့က ကိုယ်နဲ့ စကားပြောချင်ကြတယ်။
တစ်ချို့က အခက်အခဲ တွင်းနက်ထဲ ကိုယ်ပြုတ်မကျဖို့ မျှော်လင့်ကြတယ်။
တစ်ချို့က ကိုယ်ကူညီခဲ့တာကို ကျေးဇူးတင်နေတယ်။
တစ်ချို့က အရာရာ အဆင်ပြေချောမွေ့ဖို့ ကိုယ့်ကို ဆုတောင်းပေးကြတယ်။
တစ်ချို့က ကိုယ့်လက်ကို ဆုတ်ကိုင်ချင်တယ်။
တစ်ချို့က ကိုယ့်ကို အကာအကွယ်ပေး စောင့်ရှောက်ချင်တယ်။
တစ်ချို့က ဒီလောကမှာ ကိုယ်အသက်ရှင် ရှိနေမှန်း အသိအမှတ်ပြုပေးတယ်။
တစ်ချို့က ကိုယ့်ကို လက်ဆောင်တစ်ခုပေးနိုင်ဖို့ ဆန္ဒရှိနေတယ်။
တစ်ချို့က ကိုယ့်အောင်မြင်မှုအတွက် ဂုဏ်ယူပြီး ပွေ့ဖက်ချင်တယ်။
တစ်ချို့က သူ့အတွက် ကိုယ်ဟာ အကောင်းဆုံးလက်ဆောင်လို့ ထင်တယ်။
တစ်ချို့က ကိုယ့်ကို သိပ်မအေး၊ သိပ်မပူဘဲ သက်တောင့်သက်သာ နေနိုင်ဖို့မျှော်လင့်တယ်။
တစ်ချို့က ကိုယ့်အကြောင်းကို တွေးပြီး ပြုံးနေတတ်တယ်။
တစ်ချို့က ကိုယ်နဲ့သာဆိုရင် ဘာမဆို ရင်ဆိုင်ရဲသတဲ့။
တစ်ချို့က ကိုယ့်ရဲ့ကြံ့ကြံ့ခံနိုင်မှုကို အားကျတယ်။
တစ်ချို့က ကိုယ့်ပုခုံးထက်မှာ ခိုမှီနားနေချင်တယ်။
တစ်ချို့က ကိုယ်နဲ့အတူ အပျော်တွေ မျှဝေချင်တယ်။
တစ်ချို့က ကိုယ့်ရဲ့ခွင့်လွတ်ခြင်းကို တောင့်တနေတယ်။
တစ်ချို့က ကိုယ်ခွင့်လွတ်လိုက်လို့ ပျော်နေတယ်။
တစ်ချို့က ကိုယ်နဲ့အတူ လွတ်လွတ်လပ်လပ် ရယ်မောနေချင်တယ်။
တစ်ချို့က ကိုယ့်နဲ့တွေ့ရဖို့ အချိန်တွေကို မစောင့်နိုင်တော့ဘူးတဲ့။
တစ်ချို့က ကိုယ့်ကို မှတ်မိနေပြီး သူ့တို့ဘေးမှာ ကိုယ်အမြဲရှိနေစေချင်ခဲ့တယ်။
တစ်ချို့က ကိုယ့်စိတ်ဝိညာဉ်ကိုတောင် တန်ဖိုးထားတယ်။
တစ်ချို့က ကိုယ့်ကိုယ်ဖန်ဆင်းခဲ့တဲ့ ဘုရားသခင်ကို ကျေးဇူးတင်နေတယ်။
တစ်ချို့က ကိုယ့်ကိုသူဘယ်လောက် မြတ်နိုးကြောင်း ပြောပြချင်နေတယ်။
တစ်ချို့က ကိုယ်နဲ့အတူ သူ့အိပ်မက်ကို မျှဝေခံစားစေချင်တယ်။
တစ်ချို့က ကိုယ်နဲ့အတူ ရှိနေတဲ့အခါ အချိန်ကို ရပ်တန့်ထားချင်ခဲ့တယ်။
တစ်ချို့က သူ့ကိုကိုယ်သတိထားမိဖို့ မျှော်လင့်နေတယ်။
တစ်ချို့က ကိုယ့်ကြောင့် တစ်ညလုံး အိပ်မပျော်ခဲ့ဘူး။
တစ်ချို့က ကိုယ်နဲ့အတူ အမြဲတမ်း ရှိနေချင်တယ်။
တစ်ချို့က ကိုယ့်ရင်ခွင်ထဲ တိုးဝင်ချင်တယ်။
တစ်ချို့က ကိုယ့်ကို သူ့ရင်ခွင်ထဲ ထွေးပွေ့ထားချင်တယ်။
တစ်ချို့က ကိုယ်နဲ့သူငယ်ချင်း ဖြစ်ချင်နေတယ်။
တစ်ချို့က ကိုယ်က သူ့သူငယ်ချင်းဖြစ်နေလို့ ပျော်ရွှင်နေတယ်။
တစ်ချို့က ကိုယ့်ကို ပိုနားလည်ချင်နေတယ်။
တစ်ချို့က ကိုယ့်ကို ယုံကြည်တယ်။ တစ်ချို့က ကိုယ့်ယုံကြည်မှုကို လိုနေတယ်။
တစ်ချို့က ဒီစာကိုဖတ်ပြီး ကြည်နူးနေတယ်။ တစ်ချို့က မျက်ရည်ဝဲနေတယ်။
တစ်ချို့က ကိုယ့်အားပေးတာကို လိုအပ်နေတယ်။
တစ်ချို့က ကိုယ့်ကို အားပေးနေတယ်။

တစ်ခါတလေမှာ ကိုယ်မေ့နေခဲ့ပြီလား...!
တစ်ခါတလေမှာ ကိုယ်တစ်ယောက်တည်းဆိုတဲ့ အတွေးနဲ့အားငယ်နေခဲ့ပြီလား..!
တကယ်တော့ အမြဲတမ်း ကိုယ့်ကို ဂရုစိုက်၊ အလေးထားတဲ့လူတွေက ကိုယ့်ဘေးမှာရှိနေပြီးသားပါ...

ဘ၀ဆိုတာ မာတိကာအတိုင်းဘယ်တော့မှဖြစ်မလာဘူး လေ...   ...   ...။                     ။

                                                                                                                                          By: ရွှေအိမ်စည်

ကျွန်တော်နှင့် ထိုနှစ်ယောက်

သင်နှင့်အတူ မွေးနေ့တစ်နေ့တည်း ကျရောက်နေသူပေါင်းမှာ 10,000,000

(ဆယ်သန်း) ကျော်ရှိပါတယ်။ ဒါက သင်နဲ့ အတူတူ တစ်ရက်တည်း မွေးတာနော်။

ဒါဆိုရင် ကျွန်တော်တို့ ဘ၀နဲ့  အစိတ်အပိုင်းတော်တော်များများ

တိုက်ဆိုင်နေတဲ့တစ်ခြား သူတစ်ယောက်ယောက်ရော ရှိနေနိုင်မလား

ကျွန်တော်ဖတ်ဖူးတဲ့ စာတွေထဲက အမေရိကန်ရဲ့သမ္မတတွေဖြစ်ခဲ့ဖူးတဲ့

အေဗရာဟန်လင်ကွန်းနဲ့ ဂျွန်အက် (ဖ)ကနေဒီ ကို တို့ ရဲ့ အဖြစ်အပျက်လေးတွေကို ယှဉ်ကြည့်ရအောင် ...   ...

(1) သမ္ဓတကြီးလင်ကွန်းဟာ အထက်လွှတ်တော်အမတ် အဖြစ်1846 ခုနှစ်မှာရွေးချယ်ခြင်း ခံရပါတယ်၊၊

သမ္ဓတကနေဒီကတော့ အထက်လွှတ်တော်အမတ် အဖြစ် 1946 ခုနှစ်မှာရွေးချယ်ခံ

ရပါတယ်၊၊

(2) သမ္ဓတကြီးလင်ကွန်းဟာ 1860 ခုနှစ်မှာသမ္ဓတအဖြစ်ရွေးချယ်ခံရပြီး သမ္ဓတကနေဒီကတော့1960 ခုနှစ်မှာ သမ္ဓတဖြစ်လာခဲ့ပြန်ပါတယ်၊၊

(3) သမ္ဓတကြီးလင်ကွန်းရဲ့ အတွင်းရေးမှူးနာမည်ဟာ ကနေဒီ ဖြစ်ပြီး သမ္ဓတကနေဒီရဲ့ အတွင်းရေးမှူးနာမည်ဟာလည်း လင်ကွန်းဖြစ်နေပြန်ပါတယ်

(4) သူတို့နှစ်ဦးစလုံးသမ္ဓတအဖြစ်အိမ်ဖြူတော်ကို ပြောင်းရွှေ့အပြီးမှာတော့ ရင်သွေးတစ်ဦးစီ ဆုံးပါးသွားခဲ့ရပြန်ပါတယ်

သမ္ဓတနှစ်ဦးစလုံးဟာ သောကြာနေ့မှာ လုပ်ကြံခံရပြီး ၊ နှစ်ဦးစလုံး ဦးခေါင်းကိုပဲ

ကျည်ဆန်ထိမှန် သေဆုံးခဲ့ရပါတယ်၊၊

(5) သမ္ဓတနှစ်ဦးစလုံးဟာ တောင်ပိုင်းသားတွေဖြစ်တဲ့ ဂျွန်ဆင်ကြောင့်ပဲ အောင်မြင်ခဲ့ရပြီး တောင်ပိုင်းသားတွေကပဲ ပစ်ခတ်လုပ်ကြံခြင်းကိုခံခဲ့ရပါတယ်

သမ္ဓတကြီးလင်ကွန်းကို နိုင်ငံရေးလောကမှာအောင်မြင်စေခဲ့တဲ့ အန်ဒရုးဂျွန်ဆင်ဟာ

1808 ခုနှစ်မှာ မွေးဖွားခဲ့သူဖြစ်ပြီး သမ္ဓတကနေဒီကို အောင်မြင်စေခဲ့တဲ့ လန်ဒန်ဂျွန်ဆင်

ကတော့1908 ခုနှစ်မှာ မွေးဖွားသူဖြစ်ပါတယ်၊၊

(6) သမ္မတ ကြီးလင်ကွန်းကို လုပ်ကြံခဲ့တဲ့ သူကတော့ ဂျွန်ဝိုက်စ်ဘုသ်ဖြစ်ပြီး သူဟာ 1839 ခုနှစ်မှာ မွေးဖွားသူဖြစ်ပါတယ်၊၊ သမ္မတ ကနေဒီကိုလုပ်ကြံခဲ့သူ

ဟာဗေး အော့ဝေါ့ဒ် မှာ 1939 ခုနှစ် မှာမွေးဖွားသူဖြစ်ပါတယ်၊၊

(7)သမ္မတကြီးလင်ကွန်းဟာ (Ford) ဖို့သ် အမျိုးသားပြဇာတ်ရုံမှာ လုပ်ကြံခြင်းခံခဲ့ရပြီး သမ္မတ ကနေဒီကတော့ (Ford) ဖို့သ်ဆိုသူထုတ်လုပ်ခဲ့တဲ့ ကားထဲမှာလုပ်ကြံခံခဲ့ရတာ

ဖြစ်ပါတယ်။ အဲဒီ့ကားနာမည်ကလဲ လင်ကွန်းလို့ ခေါ်ပါတယ်

(8)သမ္မတလင်ကွန်းကို လုပ်ကြံခဲ့သူ Booth ဟာ ပြဇာတ်ရုံမှ ထွက်ပြေးလွတ်မြောက် သွားခဲ့ပြီးကုန်တိုက်တစ်ခုထဲကနေ ဖမ်းဆီးမိခဲ့ပါတယ်၊၊

သမ္မတ ကနေဒီကိုလုပ်ကြံသူ Oswald ကတော့ ကုန်တိုက်တစ်ခုကနေ ထွက်ပြေးသွားခဲ့ပြီး

ပြဇာတ်ရုံထဲကနေ ပြန်လည်ဖမ်းမိခဲ့ပြန်ပါတယ်၊၊

(9)သမ္မတလင်ကွန်းဟာ လုပ်ကြံခြင်းမခံရမီ တစ်ပတ်အလိုမှာ Maryland ပြည်နယ် (Monroe) မွန်ရိုးရပ်ကွက်မှာရှိနေခဲ့ပါတယ်၊၊

သမ္မတ ကနေဒီကတော့ လုပ်ကြံမခံရမီ တစ်ပတ်အလုိုမှာ ကမ္ဘောကျော်မင်းသမီး

Marilyn Monroe မာရီလင်မွန်ရိုးနဲ့အတူရှိနေခဲ့ပြန်ပါတယ်၊၊

(10) သမ္မတနှစ်ယောက်ကို လုပ်ကြံခဲ့တဲ့ Booth နဲ့ Oswald တို့ဟာ သူတို့ကို တရားရုံးမှ ပြစ်ဒဏ် မချမှတ်ရသေးခင်မှာပဲ လုပ်ကြံသတ်ဖြတ်ခြင်းခံခဲ့ရပြန်ပါတယ်၊၊

ဒါတွေက လူသိများခဲ့ လူပုဂ္ဂိုလ်နှစ်ယောက်ရဲ့ တိုက်ဆိုင်မှန်းသိခဲ့တဲ့ အကြောင်းအရာ

တစ်ချို့ တစ်လေပေါ့ ။ ဒီအဖြစ်အပျက်လိုမျိုး ကျွန်တော်တို့ ဘ၀နဲ့  ဆင်ဆင်တူတဲ့ လူတစ်ယောက်

ယောက် ကမ္ဘာကြီးပေါ်မှာ ရှိနေနိုင်တယ်နော် ...     ...    ...။                     ။

ကျွန်တော်တို့ နဲ့  ပျော်ရွှင်မှုရသ

သူရဲ့ အချိန်တွေကို ငြီးငွေ့ဖို့ကောင်းစွာ ဖြတ်သန်းရင်း သူ ဆေးရုံပေါ်မှာ အချိန်ကုန်နေခဲ့တာ ၁၀ လ ကျော်ခဲ့ပြီ။ သူ့မှာ သူ့ အသက်အရွယ်နဲ့ဆိုတော့လည်း ဘာမှ ထူးထူးခြားခြားလုပ်စရာ မရှိတော့ပါ။ အရင်လို သူလည်း သန်သန်မာမာ သူ့အသက်အရွယ်က လုပ်ဖို့ ခွင့်မပြုတော့ ။

အခုလို သူလေဖြတ်ပြီး တစ်ကိုယ်လုံးအလှုပ်နိုင်ပဲ အိပ်ယာထဲမှာသာ အိပ်နေရတာလည်း ကြာခဲ့ပြီ။ သားတွေ ၊ သမီးတွေကလည်း သူ့ကို လိုလေသေးမရှိအောင် ထားပေမဲ့ အဖော်မပါပဲ မလှုပ်နိုင် ၊ မရွေ့မပြောင်းနိုင်သော သူ့အတွက် သားသမီးတွေ ဖြည့်ဆည်းပေးတဲ့ စားစရာ ၊ အသုံးအဆောင်တွေက အဓိပ္ပါယ် မရှိသလို ဖြစ်နေခဲ့တယ်။

တစ်ခါတစ်လေ သူ့ဆီကို သားသမီးတွေ စုံစုံလင်လင်နဲ့ မြေးတွေပါ လာပြီး သူ့ကို တွတ်တီးတွတ်တာ ပြောရင်း အပြင်လောကအကြောင်းကို ကြားရရင် သူ စိတ်ပျော်တယ်။ သူ့တို့ပြန်သွားပြန်ရင် သူ့ဘဝဟာ ပြန်ပြီး အထီးကျန်ဆန်ပြန်လေရော။ သူ့ဇနီးကလည်း အခုလို သူလေမဖြတ်ခင် တစ်နှစ်ကျော်က တမလွန်သို့ သူ့အရင် သွားနှင့်ပြီ။

အခု ဒီတစ်ခါ လေဖြတ်တာ ကနေ သူထပ်ပြီး အအေးဓါတ်မမျှလို့ အောက်ပိုင်း လုံးဝ မလှုပ်နိုင်သလို ဖြစ်တော့ ဆေးရုံကို သူထပ်ရောက်လာတော့ အနီးကပ်ပြုစုဖို့ အထွေထွေပြည့်စုံတဲ့ ဆေးရုံမှာ အထူးကြီးကြပ်ရေး အခန်းမှာ ထားဖို့ သားသမီးတွေကို ဆုံးဖြတ်ကြတယ်။ ဒါနဲ့ပဲ သူ ဒီဆေးရုံကို ရောက်ခဲ့တာ ၁၀ လရှိခဲ့ပြီ။ အခန်းထဲမှာ သူတစ်ယောက်တည်း ၊ အရှေ့မှာတော့ တီဗီ ရှိပါရဲ့။ သူ့လက်ဘေးနားမှာလည်း ဝါယာကြိုးနဲ့ တွဲထားတဲ့ လက်မနဲ့ နှိပ်ဖို့ ခလုတ်လေးတစ်ခု ရှိနေတယ်။

သူဘာလိုချင်လဲ။ ဘာလုပ်ချင်လဲ။ ဒီခလုပ်လေးကို နှိပ်လိုက်ရင် နပ်စ် က ချက်ချင်း ရောက်လာတယ်။ သူနေမကောင်းလို့ နှိပ်လိုက်လည်း ချက်ချင်း ရောက်လာတယ်။ အခုခုစားချင်တယ် ၊ အလေး အပေါ့ သွားချင်တယ် ဆိုလည်း နှိပ်လိုက် ချက်ချင်းရောက်လာပြီး သူ့ကို ပြုစုပြီး လုပ်ချင်တာတွေကို ဖြည့်ဆည်းပေးတယ်။ ဒါကတော့ လွဲပြီးတော့ သူ့အခန်းမှာ သူတစ်ယောက်တည်းသာ...။

တစ်နေ့တော့ သူ့အခန်းထဲကို တွန်းကုတင်နဲ့ လူနာ နောက်တစ်ယောက်ထပ် ဝင်လာတယ်။ လူနာက သူလိုတောင်မှ မလှုပ်ရှားနိုင် ။ ယာဉ်တိုက်မှု ဖြစ်ပြီး ကျောရိုးမှာ ရှိတဲ့ နပ်ကြောကြီးကို ထိပြီး တစ်ကိုယ်လုံး မလှုပ်ရှားနိုင်တော့သော လူတစ်ယောက်ဖြစ်တယ် လို့ပဲ သူသိလိုက်ရတယ်။ သို့သော် ဒီလူက ဘယ်တော့မှ ညှိုးနွမ်းနေတယ်လို့ မရှိ ။ သူလုပ်နိုင်တာ တွေးနိုင်တာတွေကို သူ့ဆီကို လာသော ဧည့်သည်တွေနဲ့ လှုပ်နိုင်သော “ ပါးစပ် ” ကို အားပြုပြီး အစွမ်းကုန်သူပြောနေတယ်။

သူကလည်း ဘယ်တော့မှ ညှိုးနွမ်းမနေသလို ၊သူ့ဆီ လာလည်နေသူတွေကိုလည်း ဟာသတွေ ပြောလိုက် ၊ ဗဟုသုတတွေ ပြောလိုက်နဲ့ သူ့ဘဝကို သူ ကျင်လည်နေတယ်။ လူကလည်း လူပျော်ဖြစ်ပုံရတယ်။ သူကတော့ ဒီလူ့ထက်ပြီးပြီး လှုပ်ရှားနိုင်ပေမဲ့ ဒီလူ့လောက်တော့ ဘဝမှာ မပျော်နိုင်ခဲ့။

ဒီလိုနဲ့ သူနဲ့ ဒီလူ ခင်မင်လာတော့ သူကလည်း သူ့အကြောင်းကို ဒီလူ့ကို ပြောပြဖြစ်တယ်။ ဒီလူကလည်း သူ့ကြောင်း သူပြောပြတယ်။ ဒါနဲ့ တစ်ခန်းလုံးမှာမှ သူတို့ နှစ်ယောက်တည်း ရှိတာ ဆိုတော့ စကားပြောစရာ နှစ်ယောက်ပဲ ရှိတယ်။ အခန်းကလည်း နှစ်ယောက်ခန်းပါပဲ။ သူက ကုတင်ပေါ်က မဆင်းဖြစ်ခဲ့ ။ ဆင်းဖို့လည်း သူမကြိုးစား ။ နပ်စ် ပြုစုသမျှကိုသာ ကျင့်သားရစွာ သူလက်ခံ နေထိုင်ခဲ့တယ်။

သူ့နဲ့ အတူတူ နေဖို့ ရောက်လာတဲ့ ဒီလူ့ကုတင်ရှေ့မှာတော့ ပြူတင်းပေါက် တစ်ခု ရှိတယ်။ သူ တစ်ခါမှ ဒီပြူတင်းပေါက်ကနေ အပြင်ကို ကြည့်ဖို့ မစဉ်းစားခဲ့ ၊ စိတ်ကူးပင် မရခဲ့။ အခုတော့ ဒီလူက သူ့ကုတင် ဟိုဘက်လေးထောင်က ကုတင် ၊ ပြူတင်းပေါက်ရှေ့က ကုတင်မှာ နေရာရတယ်။ ဒါလည်း သူ့အတွက် ဘာမှ ထူးထူးခြားခြားမရှိပါ။ သူထို ပြူတင်းပေါက်ကို စိတ်ဝင်စားတာ မဟုတ်။

ဒါနဲ့ ဒီလူရောက်ပြီး သုံးရက်နေတော့ ဒီလူက ပြောတယ်။ သူ ဒီပြူတင်းပေါက်ကနေ လူတွေကို မြင်နေရကြောင်း ၊ အပြင်မှာ ပန်းခြံလေး တစ်ခုရှိနေကြောင်း ၊ ပန်းခြံထဲမှာ ကလေးတွေ ဆော့နေကြကြောင်း၊ ကောင်လေးတွေက ဘောလုံးကန်နေကြပြီး ၊ ကလေးမလေးတွေက တစ်ယောက်နဲ့ တစ်ယောက် ပြေးလွှားဆော့နေကြောင်း ၊ ချစ်စ ခင်စ လို့ ထင်ရတဲ့ ကောင်လေး ကောင်မလေးတွေ ကလည်း ပန်းခြံထဲမှာ လျှောက်သွားနေကြကြောင်း ဒီလို ဒီလူပြောတာ သူကြားရတယ်။

အထီးကျန်လှတဲ့ သူ့အဖို့ ဒီလူ့ဆီက တဆင့် အပြင်လောကမှာ အခု ဖြစ်ပျက်နေတာကို ဒီလူက တစ်ဆင့်ပြန်ပြောပြသောကြောင့် သူလည်း အပြင်ကို လက်တွေ့ မြင်နေရသလို ခံစားရလာတယ်။

“ ဟာ..ဟာ အလစ်သမား ၊ ပိုက်ဆံအိတ် လုပြေးပြီ။ ”

ဆိ်ုပြီး လုံးဝ မလှုပ်နိုင်တဲ့ သူက ခုချက်ချင်းပဲ ထလိုက်ဖမ်းမလို ဒီလူပြောတတ်တယ်။ တစ်ခါတစ်လေကြတော့လည်း. . .

“ ဟားဟားဟား. . အကျီင်္ အနီနဲ့ လူကြီး ချော်လဲတာဗျာ. ။ ပန်းခြံအလယ်က ရေကန်ထဲ ကျသွားတယ်။ လူတွေ ဝိုင်းဆယ်နေရတယ်။ ”

ဒီလို ပြောတတ်တယ်။ ဒီလို ရယ်စရာ ၊ ပျော်စရာလေးတွေ ကြားရတော့ သူကလည်း သူကိုယ်တိုင် မြင်ရသလို ဖြစ်ကာ ရယ်မိ ၊ ပြုံးမိတတ်တယ်။ သူလည်း အရင်လို ပျင်းခြောက်ခြောက်နဲ့ ဘဝကို အထီးကျန်ဖြတ်သန်နေရလို မဖြစ်တော့ဘူး.။ သူ မြင်လို့ ပြန်ပြောသမျှကို ကိုယ်ကလည်း တကယ်မြင်နေရသလို ကြားရပြီး ကိုယ်လည်း စိတ်လှုပ်ရှားရတယ်။

ဒါပေမဲ့ နှစ်လလောက်ကြာလာတော့ သူ့စိတ်ထဲမှာ တစ်မျိုးဖြစ်လာတယ်။ ဘာလို့ လုံးဝတောင်မှ မလှုပ်နိုင်တဲ့ ဒီလူက ပြူတင်းပေါက်နားကို သွားနေရာကပြီး အပြင်က အဖြစ်အပျက်တွေကို မြင်နေရ ကြားနေရတာလဲ။ နည်းနည်းတော့ လှုပ်နိုင်နေတဲ့ သူက ဘာလို့ ဒီပြူတင်းပေါက်နားကို နေရာ မရတာလဲ ။ သူကရော ဘာလို့ ဒီလို ပြူတင်းပေါက်က တဆင့် အပြင်က အဖြစ်အပျက်တွေကို ဘာလို့ တိုက်ရိုက် မကြည့်ရတာလဲ ..၊ သူ ဒီလိုတွေ တွေးမိပြီး ဒီလူကိုတောင်မှ မနာလိုသလို ဖြစ်လာတယ်။

ဒါနဲ့ နောက်နေ့တွေ ဒီလူက ပန်းခြံထဲမှာ ဘာတွေ ဘယ်လို ဖြစ်နေတယ် လို့ ပြောရင် သူက စိတ်မဝင်စားသလိုနဲ့ တစ်ဖက်ကို စောင်းပြီး အိပ်ချင်ယောင်ဆောင် နေလိုက်တယ်။ ဒါပေမဲ့ ဒီလူကတော့ သူဘယ်လိုပဲ နေနေ ပြောမြဲအတိုင်းပြောနေတာပါပဲ။ ဘယ်သူကတော့ ဘယ်လို ဖြစ်သွားတယ်။ ပန်းခြံထဲ ရုပ်ရှင်လာရိုက်ကြတယ်. .စသဖြင့်ပေါ့။ သူကတော့ ပြူတင်းပေါက်က တဆင့် အပြင်လောကကို မမြင်ရတော့ ပိုပြီး သူ့ကို မနာလို ဖြစ်မိတယ်။

တစ်နေ့. . .

ညဘက် သူ အိပ်နေတုန်း ဟိုဘက်ကုတင်က အသံတွေ ကျယ်လောင်စွာ ကြားရတယ်။ ဒီလူ အသက်ရှူကြပ်ပြီး အသက်ကို ပြင်းစွာ ရှူနေရသံကို သူ ကြားရတယ်။ သူလှည့်ကြည့်လိုက်တော့ ဘာဖြစ်မှန်း မသိပေမဲ့ ဒီလူ အသက်ကို မနည်းရှူနေရတယ်။ ဒီလူ အရေးပေါ်အကူအညီ ခေါ်ဖို့ လုပ်ပေးထားတဲ့ ခလုတ်လေးက သူအိပ်ရင်း တိုက်မိလို့ ကုတင်ပေါ်ကနေ ကုတင်ဘေးကို တွဲလောင်းလေးကျနေတယ်။ မလှုပ်နိုင်တဲ့ ဒီလူ ခလုတ်လေးကို နှိပ်ပြီး နပ်စ်ကို ခေါ်ဖို့ ဘယ်လိုမှ ခလုပ်ကို သူ့လှုပ်လို့ရတဲ့ နည်းနည်းလေးနဲ့ လျှောက်စမ်းပြီး ရှာတယ်။

ခလုတ်က ကုတင်ဘေးကို တွဲလောင်းကျနေတော့ ဒီလူ အသက်ကို ပင်ပန်းစွာ ရှူရင်း ခလုတ်လေးကို စမ်းနေတယ်။ အောက်ဘေးကို တွဲလောင်းကျနေတာ ဒီလူ မသိ။ သူ သူ့ကုတင်းပေါ်က သူ့လက်နားမှာ ရှိနေတဲ့ ခလုတ်လေးကို စမ်းလိုက်တော့ သူ့လက်မှာ အလွယ်တကူ စမ်းလို့ တွေ့တယ်။ သူ ခလုတ်ကို နှိပ်လိုက်ရင်လည်း တာဝန်ကျ ဆရာမက အပြေးအလွှားရောက်လာမှာပါပဲ။ ဘယ်သူပဲ နှိပ်နှိပ်ပေါ့။ သူ ခလုတ်လေးကို နှိ်ပ်ပြီး ဒီလူ့အစား နပ်စ် ကို ခေါ်မယ် စဉ်းစားနေတုန်း သူ့အသိဥာဏ်ထဲကို အတွေးတစ်ခုက ဝင်လာတယ်။

နှစ်ယောက်တည်း နေလို့ရတဲ့ ဒီအခန်းမှာ ဒီလူ ရှိနေလို့ ငါ ပြူတင်းပေါက်နားက ကုတင်မှာ နေခွင့်မရတာ ဒီလူသာ မရှိရင် ပြူတင်းပေါက်နားက ကုတင်ကို ပြောင်းပြီး အပြင် ပန်းခြံထဲကို ကြည့်ခွင့်ရမှာပဲ။ မခေါ်တော့ဘူး ဆိုပြီး သူ တစ်ဖက်လှည့်ပြီး အိပ်ပျော်အောင် အိပ်နေလိုက်တယ်။ တစ်ဖက် ကုတင်မှာတော့ ဒီလူ အသက်ကို ခက်ခက်ခဲခဲ ပြင်းပြင်း ရှူသံတွေကို ကြားနေရတယ်။ နောက်တော့ သူလည်း တကယ်ကို အိပ်ပျော်သွားခဲ့တယ်။

မနက်မိုးလင်းတော့ ဆရာဝန်တွေ ၊ နပ်စ်တွေ ရောက်လာပြီး ဒီလူကို စစ်းဆေးပြီး သေဆုံးသွားပြီ ဆိုကာ အဝတ်နဲ့ အုပ်ပြီး တွန်းလှည်း ကုတင်ပေါ်ပြောင်းတင်ပြီး ဒီလူ့အလောင်းကို သယ်သွားကြတယ်။ ဒီအချိန်အထိ သူဘာမှ မပြောသေးပါ။ ဒါနဲ့ နောက်ထပ် ၂ ရက်လောက်နေမှ နပ်စ်တွေနဲ့ တာဝန်ရှိသူတွေကို သူက သူ့ကို ပြူတင်းပေါက် ရှေ့မှာ ရှိနေတဲ့ ကုတင်ကို ပြောင်းပေးဖို့ သူတောင်းဆိုတယ်။ တာဝန်ရှိသူတွေကလည်း ဘာမှ မခက်ခဲတော့ သူ့ကို လွယ်လွယ်ကူကူပဲ ပြောင်းပေးလိုက်ကြတယ်။

သူလည်း ပျော်ရွှင်စွာ ပြောင်းလာခဲ့ပြီး နပ်စ်တွေ ၊ တာဝန်ရှိသူတွေ အားလုံး လုပ်စရာ ရှိတာတွေ လုပ်ပြီး သူတစ်ယောက်တည်း ကျန်တော့မှ သူလဲနေရာက နေ အားတင်းကြိုးစားထပြီး ပြူတင်းပေါက်ကနေ အပြင်ကို ကြည့်လိုက်တယ်။ ဒီမှာ သူ အံ့သြစွာနဲ့ မှားယွင်းစွာ တွေ့လိုက်ရတယ်။

“ ပြူတင်းပေါက်ရဲ့ အပြင်ဆိုတာမှာ သူမြင်နေရတာက အုတ်နံရံမျှသာ. . .”

 သူ့အတွက် ပျော်ရွှင်မှုတွေကို ဒီလူက နှလုံးသားနဲ့ မြင်အောင် ပြသွားခဲ့ခြင်းသာ ...

                -------------------xxx---------------------xxx------------------xxx----------------

ကျွန်တော်တို့ လည်း  ဒီအကြောင်းအရာထဲက လူလို့ ပါပဲ ကိုယ်ရဲ့လိုအင်တစ်ခုတည်းနဲ့  ကျွန်တော်တို့ ကို 
ပျော်ရွှင်မှုပေးနေတဲ့ တစ်ချို့ ကိစ္စတွေကို ကိုယ်တိုင်ပဲ ဖျက်ဆီးခဲ့ကြဘူးပါတယ် ....  ...။ 

မေးခွန်းလေး (၂)ခု

ကျောင်းတက်ခေါင်းလောင်းထိုးတော့ ဆရာကအတန်းထဲဝင်လာပြီး ကျောင်းသားတွေကို "အေဂျင့်တစ်ခုက လေ့လာဆန်းစစ်ချက်တစ်ခုအတွက် ဆရာ့ကိုအကူအညီတောင်းခဲ့တယ်။ ကျေးဇူးပြုပြီး ဒီမေးခွန်းတွေကို ဖြေပေးကြပါ" လို့ ပြောတယ်။ အမေးအဖြေ ဖြေရတာက စာသင်တာထက် ပိုစိတ်ဝင်စားဖို့ ကောင်းတာမို့ ကျောင်းသားတွေအသီးသီး စာရွက်ယူပြီး ကြည့်လိုက်ကြတယ်။ စာရွက်ပေါ်မှာ မေးခွန်းနှစ်ခုမေးထားတယ်။




မေးခွန်း(၁)

သူမကို သူအရမ်းချစ်တယ်။ သူမဟာ သွယ်လျလျမျက်နှာ၊ လခြမ်းပုံ မျက်ခုံးမွေး၊ ဖြူဖွေးတဲ့အသားအရည်နဲ့ လှပသူဖြစ်တယ်။ ဒါပေမယ့် တစ်နေ့မှာ မတော်တဆကားတိုက်မှုကြောင့် သူမမျက်နှာ အရုပ်ဆိုးအကျည်းတန်သွားတယ်။ ရုပ်ဆိုးသွားတဲ့ သူမကို အရင်လို သူဆက်ချစ်နိုင်ပါ့မလား?




(A) ချစ်နိုင်တယ်
(B) မချစ်နိုင်ဘူး
(C) ချစ်နိုင်မယ်လို့ ထင်ပါတယ်။




မေးခွန်း (၂)

သူ့ကို သူမအရမ်းချစ်တယ်။ သူက ရုပ်ချောခန့်ညားပြီး အောင်မြင်တဲ့ စီးပွါးရေးသမားတစ်ဦးဖြစ်တယ်။ ဒါပေမယ့် တစ်နေ့မှာ ရုတ်တရက် သူ့စီးပွါးပျက်သွားတယ်။ ကျရှုံးသွားတဲ့သူ့ကို သူမ အရင်လိုဆက်ချစ်နိုင်ပါ့မလား?




(A) ချစ်နိုင်တယ်
(B) မချစ်နိုင်ဘူး
(C) ချစ်နိုင်မယ်လို့ ထင်ပါတယ်။




တအောင့်ကြာတော့ ကျောင်းသားတွေက ဖြေထားတဲ့စာရွက် ဆရာကိုပြတယ်။ ဆရာစာရင်းပြုစုကြည့်တော့ မေးခွန်း (၁) ဖြေကြသူတွေထဲမှာ --
A လို့ဖြေသူ ၁ဝ%



B လို့ဖြေသူ ၁ဝ%
C လို့ဖြေသူ ၈ဝ% တွေ့ရတယ်။

မေးခွန်း (၂) ဖြေကြသူတွေထဲမှာ



A လို့ဖြေသူ ၃ဝ%
B လို့ဖြေသူ ၃ဝ%
C လို့ဖြေသူ ၄ဝ% တွေ့ရတယ်။

ဆရာက အဖြေတွေကိုကြည့်ပြီး "အင်း.. ကြည့်ရတာ မိန်းကလေးတွေ ရုပ်ပျက်သွားတာက
ယောက်ျားလေးတွေ စီးပွါးပျက်သွားတာထက် ပိုသည်းမခံနိုင်ကြပါလား?
ဒီမေးခွန်းနှစ်ခုမှာ အသိလေးပါတယ်။ သူတို့ကို ချစ်သူတွေဖြစ်မယ်လို့
တပည့်တို့ထင်ခဲ့ကြတယ် မဟုတ်လား!"




"ချစ်သူတွေလို့ ထင်ခဲ့တယ် ဆရာ"

"အင်း.. ဒါပေမယ့် သူတို့ကချစ်သူတွေပါလို့ မေးခွန်းမှာ ရေးမထားဘူးလေ" ဆရာကဆက်ပြီး
တည်ငြိမ်တဲ့အသံနဲ့ "ဒီမေးခွန်းထဲက လူနှစ်ယောက်ကို "မိဘ" နေရာမှာထားပြီး
ဆရာတို့ စိတ်ကူးကြည့်ရအောင်.. မေးခွန်း(၁)ထဲက "သူ"ဟာသူမရဲ့ဖခင်ဖြစ်တယ်။
မေးခွန်း(၂)ထဲက "သူမ"ဟာသူ့ရဲ့မိခင်ဖြစ်တယ်။ ဒီမေးခွန်းကို
ပြန်ဖြေခိုင်းရင် ဖြေခဲ့တဲ့ အဖြေအတိုင်း တပည့်တို့ထားနိုင်မလား?"




ဆရာက မေးခွန်းတွေကို ကျောင်းသားတွေရဲ့လက်ထဲ ပြန်အပ်ပြီး အဖြေရွေးခိုင်းခဲ့ပြန်တယ်။ စာသင်ခန်းတစ်ခုလုံး တိတ်ဆိတ်နေပြီး ကျောင်းသားတွေရဲ့ မျက်နှာပေါ်မှာ တည်ကြည်လေးနက်တဲ့ အရိပ်တွေ ထင်ဟပ်နေတယ်။ မိနစ်အနည်းငယ်ကြာပြီးနောက် ဆရာက မေးခွန်းတွေစုပြီး စာရင်းစစ်ကြည့်တော့ မေးခွန်း(၂)ခုလုံးမှာ (A)လို့ဖြေထားတဲ့လူတွေ ၁ဝဝ% ရှိခဲ့တယ်။




နောက်ဆုံးမှာ ဆရာက "လောကကြီးမှာ တည်ကြည်ခိုင်မြဲတဲ့ ချစ်ခြင်းတစ်မျိုးရှိတယ်။ အဲဒီအချစ်က တစ်ကိုယ်ကောင်းမဆန်သလို တုန့်ပြန့်မှုကိုလည်း မတောင့်တခဲ့ဘူး။ အဲဒီအချစ်က ရာသီဥတု အပြောင်းအလဲနောက်လိုက်ပြီး မပြောင်းလဲသွားတတ်သလို ရာထူး၊ ဂုဏ်အရှိန်အဝါနောက် လိုက်ပြီးလည်း မျောပါမသွားတတ်ဘူး။ အဲဒီချစ်ခြင်းက မိဘတွေရဲ့ချစ်ခြင်းပဲဖြစ်တယ်" လို့ လေးလေးနက်နက် ပြောသွားခဲ့တယ်။

                                               
                                                                                                                                 by နိုင်းနိုင်းစနေ

ဒါကြောင့်ပါ

တခါတုန်းက လင်မယားနှစ်ယောက်ဟာ သူတို့ရဲ့ ၂၅နှစ်မြောက်
မင်္ဂလာနှစ်ပတ်လည်နေ့ကို
ကျင်းပကြ ပါတယ်။ သူတို့စုံတွဲဟာ အိမ်ထောင်သက်၂၅နှစ်အတွင်းမှာ တခါမှကတောက်ကဆ
မဖြစ်ဖူးဘူးလို့ မြို့မှာ နာမည်ကြီး ပါတယ်။ ဒါကြောင့် နယ်ခံသတင်းစာရဲ့ အယ်ဒီတာက
အဲဒီ ပျော်ရွှင်ချမ်းမြေ့တဲ့ အိမ်ထောင်ရေးရဲ့ လျှို့ဝှက်ချက်ကို
မေးမြန်းဖော်ထုတ်ဖို့

အစီအစဉ်တစ်ခု လုပ်လိုက်ပါတယ်။

အယ်ဒီတာ ~ ဒီအဖြစ်အပျက်က မယုံနိုင်စရာ အံ့အားသင့်ဖို့ ကောင်းလွန်းပါတယ်။ ဒီလို
အိမ်ထောင်ရေးမျိုးကို

ဘယ်လိုများ တည်ဆောက်ခဲ့ ကြပါသလဲ ခင်ဗျာ?

ယောက်ျားဖြစ်သူက သူတို့ရဲ့ Honeymoon နေ့ရက်တွေကို ပြန်တွေးရင်းပြောပါတယ်...

"ကျွန်တော်တို့တွေ Honeymoon အတွက် ရှီမလာ (Shimla) ကိုသွားခဲ့ကြပါတယ်။ အဲဒီမှာ
မြင်းစီးသွားမယ်ဆိုပြီး မြင်းတစ်ကောင်စီ စီးကြတာပေါ့ဗျာ။ အဲဒီမှာ
ကျွန်တော့်မြင်းက စီးရတာအဆင်ပြေပေမယ့် ကျွန်တော့်မိန်းမစီးတဲ့ မြင်းကတော့
နည်းနည်းရိုင်းပုံရတယ်ဗျ။

လမ်းမှာ သွားနေရင်းနဲ့ပဲ အဲဒီမြင်း
ရုတ်တရက်ထခုန်လိုက်တာ ကျွန်တော့်မိန်းမ ဒယိုင်းဒယိုင်ဖြစ်ပြီး ပြုတ်ကျပါလေရော။
ဒါပေမယ့် သူက မြေကြီးပေါ်ကနေ လူးလဲထပြီး မြင်းရဲ့ကျောကုန်းလေးကို
အသာလေးပွတ်ပေးရင်းနဲ့ မြင်းကို "ဒါ မင်းရဲ့ ပထမဆုံးအကြိမ်နော်..." လို့
ပြောပါတယ်။

ပြောပြီးတော့ သူလည်း မြင်းကျောပေါ်ပြန်တက်ပြီး ခရီးဆက်ခဲ့တာပေါ့ဗျာ။

ခဏအကြာမှာ

စောစောကလိုပဲ ဖြစ်ပြန်ပါတယ်။ ဒီတစ်ခါမှာလည်း ကျွန်တော့်မိန်းမက
တည်တည်ငြိမ်ငြိမ်ပဲ "ဒါ မင်းရဲ့ ဒုတိယအကြိမ်နော်..." လို့ပြောပြီး
ဆက်သွားကြပြန်ပါတယ်။

တတိယအကြိမ်မြောက် မြင်းက ခါချတဲ့အခါမှာတော့
ကျွန်တော့်မိန်းမက ဘာမှမပြောဘဲ ခြောက်လုံးပြူးသေနတ်ကို ပိုက်ဆံအိတ်ထဲက ထုတ်ပြီး
မြင်းကို အသေပစ်သတ်လိုက်ပါလေရောဗျာ။

ကျွန်တော်လည်း ဒေါသထွက်ထွက်နဲ့ "မင်း ဘယ်လိုလုပ်လိုက်တာလည်းကွ။
သနားစရာကောင်းတဲ့ တိရိစ္ဆာန်လေးကို မင်းသတ်ပစ်လိုက်ပြီ။ မင်းရူးနေလား!!!"
လိုအော်လိုက်မိတယ်။ အဲဒီအခါ ကျွန်တော့်မိန်းမက ကျွန်တော့်ကို
အေးစက်စက်ပြန်ကြည့်ပြီး နူးညံ့တဲ့လေသံလေးနဲ့ ဘာပြောလဲဆိုတော့ "ဒါ
ရှင့်ရဲ့ပထမဆုံးအကြိမ်နော်..."

တဲ့။ အဲဒီအချိန်ကစပြီး ကျွန်တော်တို့တွေ
ဘာပြဿနာမှမရှိဘဲ နှစ်ယောက်အတူတူ ပျော်ပျော်ရွှင်ရွှင် နေလာခဲ့ကြတာပါပဲဗျာ... ။              ။
 

ပျော်ရွှင်ကြပါစေ

ငါတို့ တွေ ... သူငယ်ချင်း

ငါတို့ကြားမှာ အချင်းချင်းဆိုတာရှိလို့ နောက်ပြောင်တာတွေရှိရတယ်။
ငါတို့ကြားမှာ အချင်းချင်းဆိုတာရှိလို့ လျှို့ဝှက်ချက်တွေပြောခွင့်ရတယ်။

မဆက်သွယ်တာကြာတိုင်း ငါတို့ ဝေးကွာသွားတာ မဟုတ်ပါဘူး။
သတင်းတွေမကြားတိုင်း ငါတို့ ဂရုမစိုက်တော့တာ မဟုတ်ပါဘူး။

သူငယ်ချင်းဖြစ်ပြီဆိုတာနဲ့ ငါတို့မှာ အကွာအဝေးမရှိခဲ့တော့ဘူး။
နှလုံးသားမှာ သူငယ်ချင်းဆိုတဲ့သစ်ပင်ကို အမြစ်တွယ်အောင် စိုက်ခဲ့ပြီမို့ပါ။

တကယ်တော့ သူငယ်ချင်းဆိုတာ ဒီလိုပါပဲ...
မေ့သွားတယ်ဆိုတာမရှိခဲ့လို့ သတိရစရာလည်း မလိုခဲ့ပါဘူး..

ငါတို့ဟာ သူငယ်ချင်းပါ
တစ်သက်မပြောင်းတဲ့ ခင်မင်ရင်းနှီးမှုနဲ့ အချင်းချင်းတန်ဖိုးထားရမှာ...
.

ကြီးပြင်းရာလမ်းတလျောက်မှာ ချစ်ခြင်းမေတ္တာ၊ သံယောဇဉ်က ဘဝရဲ့မြေသြဇာပါ... ဘဝတစ်ခု ပျော်ပျော်ရွှင်ရွှင် ကြီးပြင်းရှင်သန်ဖို့ ဒီမြေသြဇာတွေက မရှိမဖြစ်လိုအပ်ပါတယ်...

 

 

                                                                                   By: Nine Nine Sanay @ နိုင်းနိုင်းစနေ

 

 

 

 

 

Social engineering , နေဧလိမ်နည်း နှင့် gmail hacking

1978 ခုနှစ်ရဲ့တရက်မှာပေါ့  Rifkin ဟာ ဒေါ်လာသန်းပေါင်းများစွာကို နေ့စဉ်လွဲပြောင်းပေးနေတဲ့ ဘဏ်ရဲ့ လုံခြုံရေးခန်းထဲကို ၀င်လာခဲ့တယ်။သူ.တာဝန်က အဲဒီဘဏ်က computer dataတွေကို back up လုပ်ပေးရတာပါ။ငွေလွဲပြောင်းတဲ့ လုပ်ငန်းစဥ်Data တွေပေါ့။သူ တစ်ခုသတိထားမိတာက ငွေလွဲ၇ာမှာ သုံးတဲ့ code တွေဟာ နေ့စဉ်ပြောင်းနေတယ်။အဲဒီ codeတွေကို တာဝန်ကျတဲ့ ၀န်ထမ်းကိုလည်း လျှို့ဝှက်စွာပြောပြတယ်။ အစောင့် တွေနဲ့အတူတူလုံခြုံရေး အထပ်ထပ်နဲ့ခေါ်ပြီးမှ ငွေလွဲခန်းထဲဝင်ရတယ်။
ဒါပေမယ့် ၀န်ထမ်းတွေဟာ များပြားလှတဲ့ နေ့စဉ်codeတွေကို မေ့မှာစိုးတဲ့အတွက် စာရွက်အပိုင်းလေးတွေနဲ့ ရေးပြီးနံရမှာ သူတို့မြင်သာအောင်ကပ်ထားတတ်ကြတယ်။ဒါနဲ့ပဲ …Novemberတစ်ရက်မှာ Rifkin ဟာ အကြံနဲ့ ရောက်လာပါတော့တယ်။
သူဟာ ထုံးစံအတိုင်း သူ.လုပ်နေကျတာဝန်တွေ ၊ စစ်စရာရှိတဲ့ Dataတွေကို စစ်ဆေးပါတယ် ။အဲလို စစ်နေရင်းက နံရံက codeတွေကို မသိမသာခိုးကြည့်ပြီး စိတ်ထဲမှာ မှတ်ထားလိုက်ပါတယ်။ခဏအကြာမှာ သူဟာရုံးခန်းကနေထွက်ခဲ့တယ်။ ငတက်ပြား ကြီးပွားခါစခြေလှမ်းမျိုးနဲ့ပေါ့။
ဘဏ်ကထွက်လာပြီး ညနေ ၃နာ၊ရီလောက်မှာ လမ်းဘေးဖုန်းကနေဘဏ်ရဲ့ငွေလွှဲဌာနကို ဖုန်းဆက်ပါတော့တယ်။သူဟာ Mike Hanse အဖြစ်ဟန်ဆောင်လိုက်တယ်။စကားပြောခန်းက ဒါမျိုးဖြစ်နိုင်ပါတယ်။
Rifkin ။ ။ “ …. ဘဏ်ကလား။ကျနော် Mike Hanse ပါ၊ ငွေလွှဲမလို့ပါ“
စာရေးမ။ ။ ဖုန်းနပါတ်လေးပြောပါရှင်
Rifkin ။ ။ 286 ပါ
စာရေးမ။ ။ code နံပါတ်ပြောပါ ။
Rifkin ။ ။ မှတ်သားထားတဲ့အတိုင်း “4789 ပါ“
အဲနောက်သူက 10 millions $ ကို မကြာခင်က သူအကောင့်ဖွင့်ထားတဲ့ Zurich ဘဏ်ကို လွှဲခိုင်းလိုက်ပါတယ်။
စာရေးမ။ ။ ”interoffice settlement နပါတ်ပြောပါရှင်“
Rifkin ထင်မှတ်မထားတဲ့ မေးခွန်းပါ။ဒါပေမယ့် သူဟာ ဟန်မပျက် ပဲ ကျနော်ပြန်စစ်ပါရစေလို.ပြောပြီး ဖုန်းပြန်ချထားခဲ့ပါတယ်။ အဲနောက်ဘဏ်ကိုပြန်သွား ၊ interoffice settlement ပြန်ရှာကြည့်ပြီးနောက် ဖုန်းပြန်ဆက်ပါတယ်။ဒီတခါမှာတော့ အရာ၇ာအဆင်ပြေခဲ့ပါတယ်။
ရက်များမကြာမီ သူဟာ zurich ဘဏ်ကိုသွားပြီး ငွေထုတ်ကာ 8 millions $ ဖိုးစိန်တွေကို ရုရှားကနေ၀ယ်ယူခဲ့ပါတယ်။ သမိုင်းတလျှောက် အများဆုံးငွေလိမ်လည်မှုပါ…သေနတ်မပစ် ၊ကွန်ပြူတာမပါခဲ့ပါဘူး ။ ဂင်းနစ်စံချိန်မှာတော့ ‘biggest computer fraud” ပါတဲံ့။ အဲမှာ Stanly Rifkin ဟာ လှပတဲ့ လိမ်လုံးလေး ….social engineering ကို သုံးခဲ့တာပါ။
ဒါတွေက ဘာကိုပြောတာလဲဆိုရင် လုံခြုံးရေးမည်မျှပင် တင်းကျပ်စေကာမူ လူများ၏နမော်နမဲ့နိုင်မှုကြောင့် အရာရာဆုံးရှုံးနိုင်ကြောင်းပါ။ ခုတစ်လော Gmail hacking အကြောင်းအလွန်တရာကြားနေရပါတယ်။ ဒါဟာ တကယ်ပဲ ပညာနဲ့ hack တာဖြစ်နိုင်သလို မိမိကိုယ်တိုင်ရဲ့ ပေါ့ဆမှုကြောင့်လည်းဖြစ်နိုင်ပါတယ်။ ကျနော် လည်းအကြိမ်ကြိမ်ကြုံဘူးပါတယ်။ ရုပ်ရှင်သရုပ်ဆောင် မအူဝဲ မင်္ဂလာဆောင်တယ်ဆိုပြီး လင့်လေးပေးတာ သြော်ရက်စက်ပါ့ အူဝဲရယ်ဆိုပြီး ကယောင်ကတန်းနဲ့ click လုပ်မိတာ ကြောင်ရုပ်ကြီးပေါ်လာပြီး ဟားသွားပါတယ်။
။လူတစ်ယောက်ရဲ့ gmail ထည့်ရုံနဲ့ သူဘယ်နေရာကဆိုတာပြောနိုင်တယ်ဆိုတုန်းကလည်း gmail အထည့်ကောင်းလို. ဟားတာခံရဘူးပါတယ်။မြန်မာပြည်မှာလည်း အရင်တုန်းက နေဧဆိုတဲ့လူက အဲလိုအကွက်လှလှလေးတွေသုံးပြီးလိမ်ဘူးပါတယ်။အိုင်းစတိုင်းက universe နဲ့ လူရဲ့ နမော်နမဲ့နိုင်မှု နှစ်ခုသာလျှင် infinite ပါတဲ့။ကျနော်တို့ ရဲ့ မျက်စိမှိတ်ယုံကြည်မှုတွေရှိသရွှေ.တော့ ခံနေရဦးမှာပါပဲ။ လူတိုင်းလူတိုင်း အညာခံရမှုမှ ကင်းဝေးကြပါစေကြောင်းဆုတောင်းလျှက် …..

ANTIMATTER- ဆန့်ကျင်ဒြပ်

လောကကြီးမှာ ဒြပ်တွေရှိသတဲ့။ သူတို့ကို တိုးဝင်တိုက်ဖျက်တဲ့ ဆန့်ကျင်ဒြပ်တွေလည်း ရှိတယ်။ သူတို့ချင်းတွေ့ရင် ကြေပျက်သွားကြတယ်။ တစ်ခုကိုတစ်ခုက ချေမှုန်းပစ်တယ်။ ဒြပ်မှုန်တစ်ခုရယ်၊ ဆန့်ကျင်ဒြပ်မှုန်တစ်ခုရယ်ဟာ ခမ်းခမ်းနားနား ၀င်းဝင်းလက်လက်နဲ့ပဲ တိုက်ဖျက်ပျောက်ကွယ်သွားကြတယ်။

အာရုံထဲမှာ မြင်ကြည့်မိတယ်။ အတော်လှမှာပဲ။ ရှက်သလိုလည်း ခံစားရတယ်။ လူတွေနဲ့ ယှဉ်တွေးမိလို့ပါ။

လူ့လောကမှာလည်း လူတွေရယ်၊ ဆန့်ကျင်လူတွေရယ် ရှိတယ်။ ဆန့်ကျင်လူတွေက ဆန့်ကျင်ဒြပ်တွေလို မဟုတ်ဘူး။ စကားတွေ လျှောက်ပြောတယ်။ ဘယ်သူ့ကိုမှလည်း အကောင်းမမြင်ဘူး။ စိတ်ပျက်စရာကောင်းလှတဲ့ရုပ်၊ နာမ် အတွဲကြီးတွေပေါ့။

အဲဒီဆန့်ကျင်လူတွေဟာ အခွင့်အရေးရတာနဲ့ အချို့အချို့သော လူတွေကို ကိုက်စားဖျက်ဆီးနိုင်အောင် ကြိုးစားတယ်။ ဆန့်ကျင်ဒြပ်တွေလို ခမ်းနားဝင်းလက်စွာ တိုက်ခိုက်လာခြင်းမျိုး မဟုတ်ဘူး။ စုတ်ပြတ်မည်းမှောင်စွာ တိုက်ခိုက်တတ်ကြတယ်။

သူတို့ကို ကျွန်တော် မကြိုက်ဘူး။ ဒါပေမယ့် မောင်းထုတ်လို့လည်း မရဘူး။ ဘာမှ မတတ်နိုင်ဘူး။ “လူ” ရှိနေရင် သူတို့လည်း ရှိနေမှာပဲ။ သဘာဝပဲလေ...။

လိမ်ညာကြသူများ

ဒီလောကမှာ ဒီလိုလူတစ်ယောက်ရှိတယ်။ သင်ငယ်စဉ်အခါမှာ သင့်ကို "လိမ်ညာတယ်ဆိုတာမကောင်းဘူး၊ မလိမ်ညာရဘူး၊ လိမ်တတ်တဲ့ကလေး သစ်သားရုပ် Pinocchioလို နှာခေါင်းရှည်ထွက်လာတတ်တယ်" လို့ သူမကြာခဏပြောတယ်။ သူ့စကားကို သင်ယုံတယ်.. နှာခေါင်းရှည်ထွက်လာပြီး ရုပ်ဆိုးမှာစိုးလို့ သင်မလိမ်ညာရဲခဲ့ဘူး။

ဒါပေမဲ့ သင့်ကို မလိမ်ညာရဘူးလို့ သင်ပြတဲ့သူက အလိမ်ညာတတ်ဆုံးလူ ဖြစ်နေတယ်ဆိုတာကို နောက်တော့ သင်တဖြေးဖြေး သတိထားလာခဲ့မိတယ်။

သင်အကြိုက်ဆုံး အစားအစာဟာ သူ မကြိုက်ဆုံးအစားအစာဖြစ်တယ်။ ဥပမာ- ကြက်သားစားတဲ့အခါ ကြက်ပေါင်၊ ကြက်တောင်ပံ၊ ကြက်ရင်အုံတွေကို သူ မကြိုက်ဘူးလို့ အမြဲပြောတယ်။ ဒါတွေက သင်အကြိုက်ဆုံးဖြစ်နေတတ်တယ်။ ကြက်ပေါင်၊ ကြက်ရင်အုံတွေကို သင်စားနေရင်းက ဒီလောက်မွှေး၊ ဒီလောက်စားကောင်းတဲ့အရာကို မကြိုက်တဲ့သူလည်းရှိတယ်လို့ သင်တွေးနေမိတယ်။ ဒါပေမဲ့ တစ်နေ့မှာ မီးဖိုချောင်ထဲက သင့်စားကြွင်းစားကျန် ကြက်ပေါင်တွေကို စားနေတဲ့သူ့ကို သင်တွေ့ခဲ့မိတယ်။

အဲဒီနေ့က အိမ်ခန်းတွေထဲ ပြေးလွှားရင်း သင်လေတံခွန်လွှတ်တမ်း ကစားနေတယ်။ အဲဒီအချိန် တံခါးဘောင်မှာ သူမှီပြီး တစ်နေရာရာကို ကြည့်နေတယ်။ သင်ပြေးလွှားရင်း ပွင့်နေတဲ့တံခါးရွက်ကို တိုက်မိတယ်။ တံခါးအပိတ်မှာ သူ့လက်ချောင်းကို ညှပ်လိုက်မိတယ်။ သူ့ရဲ့ အားခနဲအော်သံကြားတော့ သင်လန့်ပြီးငိုတယ်။ တခြားလက်တစ်ဖက်နဲ့ ညှပ်မိတဲ့လက်ကို သူဆုပ်ကိုင်ရင်း သူဘာမှမဖြစ်ဘူး၊ မနာဘူးလို့ သင့်ကိုပြောတယ်။ သူ့မျက်နှာပေါ်က အပြုံးတစ်ပွင့်က သင့်ကိုအငိုတိတ်စေခဲ့တယ်။နောက်ရက်တွေမှာ သူ့လက်ချောင်းဖုယောင်နေတာကို သင်တွေ့ခဲ့မိတယ်။

အဲဒီနောက် သင်တဖြေးဖြေး ကြီးပြင်းလာခဲ့တယ်။ အလယ်တန်းရောက်တော့ သင်အဆောင်နေရတော့မယ်။ သူ့ကို သင်မခွဲချင်ဘူး။ သူကတော့ပြောတယ်...."အဆောင်နေမယ့်အရွယ်ရောက်ပြီ...ကောင်းလိုက်တာ.. နားညီးသက်သာသွားပြီ၊ အိမ်ရှင်းသွားပြီ" လို့ သူပြောတယ်။ ဒါကို သင်စိတ်ကောက်ပြီး အိမ်ကိုနှစ်ပတ်လောက် မပြန်ခဲ့ဘူး။ နောက်မှ အိမ်နီးချင်းတွေကနေ သင်သိရတာက သင်အိမ်မပြန်တဲ့ရက်တွေ သင့်ကိုသူလွမ်းမျှော်ပြီး မျက်ရည်ကျနေခဲ့တယ်ဆိုတာပါပဲ။

နောက်တော့ သင် တက္ကသိုလ်ရောက်တော့ ကောင်မလေးတစ်ယောက်ကို သင်ချစ်မိတယ်။ ကောင်မလေးအတွက် သင့်အသုံးစရိတ်တွေထဲကနေ အမြဲလက်ဆောင်ဝယ်ပေးတယ်။ ဒါနဲ့ သူ့ဆီကို သင်စာအုပ်ဝယ်ဖို့ ငွေလိုကြောင်း စာပို့တယ်။ စာအုပ်ဝယ်ဖို့ဆိုရင် သူအားပေးတယ်.. သင်လိုတဲ့ပိုက်ဆံကိုသူချက်ချင်း ပို့ပေးတယ်။ အလုပ်လုပ်ရတာ သူဘယ်လောက်ပဲဆင်းရဲပင်ပန်းပါစေ... သူ မမောပါဘူးတဲ့။ နွေကျောင်းပိတ်လို့ သင်အိမ်ပြန်တော့ သူ့ကိုအလုပ်ရုံမှာ သင်သွားရှာခဲ့တယ်။ အလုပ်ရုံနဲ့အိမ်က အဝေးကြီး.. ခါးကုန်းကုန်းပြီး အင်စိုက်အားစိုက် အလုပ်လုပ်နေတဲ့ သူ့ကို သင်တွေ့ခဲ့တယ်။

သင်ကျောင်းပြီးတော့ အလုပ်ဝင်ပြီ... အလုပ်အတွက်၊ ဘဝအတွက် သင်နေ့မအား၊ ညမအားခဲ့ဘူး။ တာဝန်နဲ့ နေရပ်ကိုသင်ဖြတ်ရပေမယ့် အိမ်ကိုဝင်ဖို့ သင်မအားခဲ့ဘူး။ ကြာကြာတစ်ခါတော့ သင့်ကို သူဖုန်းဆက်တတ်တယ်။ ဘာအရေးကိစ္စမှ မရှိပါဘူး.. သင့်အသံကိုပဲ သူနားထောင်ချင်လို့၊ နေကောင်းကျန်းမာဖို့၊ အိမ်မှာအရာအားလုံးကောင်းတယ်၊ စိတ်မပူဖို့ သူပြောတယ်။ ဒါကို သင်စိတ်ချလက်ချ ယုံတယ်။ တစ်နှစ်ပတ်လုံး အိမ်မပြန်ခဲ့ဘူး။ နောက်တစ်နှစ်အိမ်ပြန်တော့အိမ်နီးချင်းတွေက "သူလဲကျလို့ ခြေကျိုး၊ လက်ကျိုးဖြစ်သွားတာတောင် မင်းအိမ်ပြန်လာကြည့်ဖော် မရဘူးနော်" လို့ အပြစ်ဆိုတယ်။

အခုချိန်မှာတော့ သူနဲ့အတူ သင်ရှိနေတယ်။ သူ့ခေါင်းပေါ်ကဆံဖြူတွေကို သင်ကြည့်ရင်း သစ်သားရုပ်Pinocchioရဲ့ ပုံပြင်ကို သင်ပြောပြချင်နေခဲ့တယ်။ သင်ငယ်ငယ်တုန်းက သူပြောပြခဲ့ဖူးသလို... မလိမ်ညာရဘူး၊ လိမ်ညာတဲ့လူ နှာခေါင်းရှည်တတ်တယ်ဆိုတဲ့ ပုံပြင်ကိုပေါ့။

ဒါပေမယ့် အခုချိန်မှာ သင်လည်း လိမ်ညာတတ်ခဲ့တယ်။ ဈေးကြီးတဲ့ပစ္စည်းတွေဝယ်ပြီး ကပ်ထားတဲ့ဈေးနှုန်းစာရွက်ကို သင်ခွာခဲ့တယ်။ ပြီးတော့ ဒါဈေးချတာ.. ဈေးပေါတယ်လို့ သူ့ကို သင်ညာတယ်။ ဒါမှ သူ စိတ်မဆိုးမှာဖြစ်တယ်။ အလုပ်မှာ စိတ်ဖိအား၊ အလုပ်ဖိအားတွေကို သင်ခံရတယ်။ဒါပေမယ့် သူနဲ့စကားပြောတဲ့အခါတိုင်း ကျေနပ်တဲ့အသံနဲ့ အလုပ်မှာကောင်းကြောင်း၊ စိတ်ချချနေဖို့ သူ့ကို သင်ပြောတယ်။

သင့်ကိုယ်သင် လိမ်ညာတတ်သူဖြစ်အောင်လုပ်မယ်လို့ သင်ဆုံးဖြတ်တယ်။ သူပြုံးရယ်ဖို့အတွက်၊ လောကမှာ အလိမ်ညာတတ်ဆုံး------ မိခင် အတွက်ပေါ့။

မူရင်း--- http://www.duwenzhang.com/wenzhang/qinqingwenzhang/20111115/207067.html

နိုင်းနိုင်းစနေ ဘာသာပြန်သည်။